വൈക്കം: എസ്എന്ഡിപി യോഗം വൈക്കം താലൂക്ക് യൂണിയന് സെക്രട്ടറി എം.ബി. സെന്നിന്നേരെ സിപിഎം കയ്യേറ്റം. ടി.വി. പുരം ചെമ്മനത്ത്കരയ്ക്കുസമീപം മാവള്ളിക്കവലയില് ഇന്നലെ രാത്രി 8.30ഓടെയാണ് സംഭവം. ടിവി പുരം പഞ്ചായത്തിലെ ബിജെപി-സമത്വമുന്നണി സ്ഥാനാര്ത്ഥികളുടെ തെരഞ്ഞെടുപ്പ് പ്രചരണയോഗത്തില് പങ്കെടുത്ത് മടങ്ങുമ്പോള് 25 അംഗ സിപിഎം ഗുണ്ടാസംഘം അദ്ദേഹത്തിന്റെ കാര് തടഞ്ഞുനിര്ത്തി കയ്യേറ്റം ചെയ്യുകയായിരുന്നു. മുദ്രാവാക്യം വിളിച്ച് വാഹനം തടഞ്ഞ അക്രമിസഘം സെന്നിനെ ബലംപ്രയോഗിച്ച് കാറില്നിന്നും ഇറക്കാന് ശ്രമിക്കുകയും മര്ദ്ദിക്കുകയും ചെയ്തു. അവിടെനിന്നും കുതറി രക്ഷപ്പെട്ട് എസ്എന്ഡിപി നേതാവ് വൈക്കം പോലീസ്റ്റേഷനിലെത്തി പരാതി നല്കിയിട്ടുണ്ട്. സംഭവത്തില് പ്രതിഷേധിച്ച് ചെമ്മനത്തുകരയില് എസ്എന്ഡിപി-ബിജെപി പ്രവര്ത്തകര് പ്രതിഷേധപ്രകടനം നടത്തി.
എസ്എന്ഡിപി യൂണിയന് സെക്രട്ടറി എം.ബി. സെന്നിന്നേരെ നടന്ന കയ്യേറ്റത്തില് ബിജെപി ജില്ലാ വൈസ് പ്രസിഡന്റ് പി.ജി. ബിജുകുമാര് പ്രതിഷേധിച്ചു. കുറ്റവാളികളെ അറസ്റ്റ് ചെയ്ത് തെരഞ്ഞെടുപ്പ് കഴിയുന്നതുവരെ കരുതല് തടങ്കലില് വെയ്ക്കണമെന്ന് അദ്ദേഹം ആവശ്യപ്പെട്ടു.
