പയ്യന്നൂര്: ഇങ്ക്വിലാബ് മാത്രം കേട്ട് ശീലിച്ച കടന്നപ്പള്ളി പാണപ്പുഴ പഞ്ചായത്തിലെ ചുവന്ന മണ്ണ് ഇപ്പോള് കാവിയണിയുകയാണ്. വര്ഷങ്ങളായി പ്രതിപക്ഷ സാന്നിദ്ധ്യം പോലുമില്ലാത്ത പഞ്ചായത്തിലെ മുഴുവന് വാര്ഡുകളിലും ഇക്കുറി ശക്തമായ മത്സരത്തിന്റെ വേദിയാവുകയാണ്. സംഘപരിവാര് പ്രസ്ഥാനങ്ങളുടെ ചിട്ടയായ പ്രവര്ത്തനങ്ങളും ലോകം മുഴവന് ആരാധനയോടെ നോക്കിക്കാണുന്ന മോഡി സര്ക്കാരിന്റെ വികസന നയങ്ങളം പുതിയ വോട്ടര്മാരില് ചെലുത്തിയ സ്വാധീനമാണ് ബിജെപിയുടെ പ്രതീക്ഷകള് വാനോളമുയര്ത്തുന്നത്. പഞ്ചായത്തില് ആകെയുള്ള പതിനഞ്ച് വാര്ഡുകളില് മുഴുവന് വാര്ഡുകളിലും സ്ഥാനാര്ത്ഥികളെ രംഗത്തിറക്കി ബിജെപി ആദ്യ ഘട്ടത്തില് തന്നെ എതിരാളികളെ ഞെട്ടിച്ചു. പരമ്പരാഗത വോട്ടുകള് മാത്രം ലഭിക്കാറുള്ള കോണ്ഗ്രസ് സ്ഥാനര്ത്ഥികളെ ബഹുദൂരം പിന്നിലാക്കി ബിജെപിയുടെ സ്ഥാനാര്ത്ഥികള് പ്രചരണ രംഗത്ത് സജീവമായതോടെ പഞ്ചായത്തിലെ ചില വാര്ഡുകളില് ഇക്കുറി താമര വിരിയുമെന്ന പ്രതീക്ഷയിലാണ് രാഷ്ടീയ നിരീക്ഷകര്. പഞ്ചായത്ത് പരിധിയില് വരുന്ന ബ്ലോക്ക് ഡിവിഷനുകളായ എടക്കോം, കടന്നപ്പള്ളി എന്നിവിടങ്ങളിലും ഇത്തവണ തീ പാറുന്ന മത്സരമാണ് നടക്കുന്നത്. ബിജെപി കല്യാശ്ശേരി മണ്ഡലം ജനറല് സെക്രട്ടറി ശങ്കരന് കൈതപ്രം മല്സരിക്കുന്ന കടന്നപ്പള്ളി ബ്ലോക്ക് ഡിവിഷനിലെ മിക്കവാര്ഡുകളിലും ബിജെപി നിര്ണായക സ്വാധീനശക്തിയാണ്. പഞ്ചായത്ത് പരിധിയില് വരുന്ന ജില്ലാ പഞ്ചായത്ത് ഡിവിഷനുകളായ കടന്നപ്പള്ളി, എടക്കോം എന്നിവിടങ്ങളിലും പോരാട്ടം ശക്തമാണ്.
കടന്നപ്പള്ളിയില് ചെങ്കോട്ടകള് കാവിയണിയുന്നു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.