കണ്ണൂര്‍: തദ്ദേശ സ്വയംഭരണ സ്ഥാപനങ്ങളിലേക്കുളള പൊതുതെരഞ്ഞെടുപ്പിന്റെ ഭാഗമായി തലശ്ശേരി നഗരസഭയില്‍ വോട്ടിങ്ങ് മെഷീന്‍ കമ്മീഷന്‍ ചെയ്യുന്നതിനുളള നടപടി നാളെ രാവിലെ 9.30ന് തലശ്ശേരി ഗവ.ഗേള്‍സ് ഹയര്‍ സെക്കണ്ടറി സ്‌കൂളില്‍ നടക്കും. രാഷ്‌ട്രീയ പാര്‍ട്ടി പ്രതിനിധികളും സ്ഥാനാര്‍ത്ഥികളും ഹാജരാകേണ്ടതാണ്.
ആന്തൂര്‍ മുനിസിപ്പാലിറ്റിയിലെ ഇലക്‌ട്രോണിക് വോട്ടിങ്ങ് മെഷീനുകളുടെ സജ്ജീകരണം നാളെ രാവിലെ 11 മണിക്ക് മാങ്ങാട് ഗവ.എഞ്ചിനീയറിങ്ങ് കോളേജില്‍ നടത്തും.
ഇരിട്ടി മുനിസിപ്പാലിറ്റിയിലെ ഇലക്‌ട്രോണിക് വോട്ടിങ്ങ് മെഷീനുകളുടെ സജ്ജീകരണം നാളെ രാവിലെ 10 മണിക്ക് ചാവശ്ശേരി ഗവ.ഹയര്‍ സെക്കണ്ടറി സ്‌കൂളില്‍ നടത്തും.
കല്ല്യാശ്ശേരി ബ്ലോക്ക് പഞ്ചായത്ത് പരിധിയിലുളള ജില്ലാ പഞ്ചായത്ത് ഡിവിഷന്‍, ബ്ലോക്ക് പഞ്ചായത്ത് ഡിവിഷന്‍, ഗ്രാമപഞ്ചായത്ത് വാര്‍ഡുകള്‍ എന്നിവയിലേക്കുളള ഇലക്‌ട്രോണിക് വോട്ടിങ്ങ് മെഷീനുകളുടെ സജ്ജീകരണം നാളെ രാവിലെ 9 മണിക്ക് മാടായി ഗവ.ഗേള്‍സ് ഹയര്‍ സെക്കണ്ടറി സ്‌കൂളില്‍ നടത്തും.
എടക്കാട് ബ്ലോക്ക് പഞ്ചായത്ത് വിവിധ ഡിവിഷനുകളുടെയും, ജില്ലാ പഞ്ചായത്ത് ഡിവിഷനുകളിലെയും, കടമ്പൂര്‍, ചെമ്പിലോട്, കൊളച്ചേരി, മുണ്ടേരി, പെരളശ്ശേരി എന്നീ ഗ്രാമപഞ്ചായത്ത് വാര്‍ഡുകളിലെയും ഇലക്‌ട്രോണിക് വോട്ടിങ്ങ് മെഷീനുകളുടെ സജ്ജീകരണം നാളെ രാവിലെ 8.30 മണിക്ക് എളയാവൂര്‍ സി എച്ച് എം ഹയര്‍ സെക്കണ്ടറി സ്‌കൂളില്‍ നടത്തും.
പയ്യന്നൂര്‍ ബ്ലോക്ക് പഞ്ചായത്ത് പരിധിയിലെ ഇലക്‌ട്രോണിക് വോട്ടിങ്ങ് യന്ത്രങ്ങളുടെ സജ്ജീകരണം 30 ന് രാവിലെ 9 മണിക്ക് പയ്യന്നൂര്‍ കോളേജില്‍ നടത്തും. കരിവെളളൂര്‍, കുഞ്ഞിമംഗലം, കടന്നപ്പളളി ഡിവിഷനുകളുടെ വോട്ടിങ്ങ് മെഷീന്‍ സെറ്റിങ്ങും ഇതോടൊപ്പം നടക്കും.
