വാഷിങ്ടണ്: വാനനിരീക്ഷണ ചരിത്രത്തെ അതിശയിപ്പിച്ച് ‘നാസ’യുടെ പുതിയ കണ്ടെത്തല്. പ്രപഞ്ചോത്പത്തിക്കു കാരണമായ ബിഗ് ബാങ് സ്ഫോടനത്തിന് പിന്നാലെ രൂപപ്പെട്ട 250 കുഞ്ഞു ഗാലക്സികളെ (ക്ഷീരപഥം) നാസയുടെ ഹബിള് ടെലിസ്കോപ്പ് തിരിച്ചറിഞ്ഞു. പ്രപഞ്ചത്തിലെ ഏറ്റവും പഴക്കം ചെന്നതും തിളക്കം കുറഞ്ഞതുമായ നക്ഷത്ര സമൂഹമായി ഇവയെ കണക്കാക്കാം.
ബിഗ് ബാങ് കഴിഞ്ഞ് 600 ദശലക്ഷം വര്ഷത്തിനുശേഷം രൂപംകൊണ്ടവയാണ് ഇപ്പോള് തിരിച്ചറിഞ്ഞ ക്ഷീര പഥങ്ങളില് ചിലത്. 600 മുതല് 900 ദശലക്ഷം വര്ഷവരെ അവ നിലനിന്നു. ഇന്നു കാണുന്ന പ്രപഞ്ചത്തെ രൂപപ്പെടുത്തുന്നതില് ഈ ചെറു ഗാലക്സികള് നിര്ണായകമായെന്നു കരുതപ്പെടുന്നു.
1200 വര്ഷങ്ങള് സഞ്ചരിച്ചാണ് കുഞ്ഞന് ഗാലക്സികളുടെ പ്രകാശം നാസയുടെ ടെലസ്കോപ്പില് പതിച്ചത്. ഹൈഡ്രജന് നിറഞ്ഞ കട്ടികൂടിയ മഞ്ഞ് പാളി നീങ്ങാന് തുടങ്ങിയതോടെയായിരുന്നു പ്രപഞ്ചം പരിവര്ത്തത്തിന്റെ തുടക്കം. അതോടെ അള്ട്രാ വൈലറ്റ് രശ്മികള് തടസംകൂടാതെ സഞ്ചരിക്കുകയും പ്രപഞ്ചം സുതാര്യമാവുകയും ചെയ്തെന്ന് ഗവേഷക ലോകം പറയുന്നു.
പ്രതികരിക്കാൻ ഇവിടെ എഴുതുക: