കോട്ടയം: ഭാരതത്തിലെ മാധ്യമ പ്രവര്ത്തന രംഗം ദേശ വിരുദ്ധ ശക്തികള് കൈയടക്കുകയാണെന്ന് കേസരി മുഖ്യപത്രാധിപര് ഡോ.എന്.ആര്.മധു അഭിപ്രായപ്പെട്ടു. കോട്ടയത്ത് ആര്എസ്എസ് പ്രചാര് വിഭാഗത്തിന്റെ ആഭിമുഖ്യത്തില് നടത്തിയ കേസരി സദസ്സില് മാധ്യമ പക്ഷപാതിത്വം എന്ന വിഷയത്തില് പ്രഭാഷണം നടത്തുകയായിരുന്നു അദ്ദേഹം. കരിപുരണ്ട അക്ഷരങ്ങള് സത്യമാണ് പറയുന്നതെന്ന് സമൂഹം ധരിച്ചിരുന്ന കാലമുണ്ടായിരുന്നു. അതിന് ശേഷം ദൃശ്യമാധ്യമങ്ങള് രംഗം കൈയടക്കി. ഇപ്പോള് അതും കഴിഞ്ഞ് സാമൂഹ്യ മാധ്യമകാലത്താണ് നാം ജീവിക്കുന്നത്.
ജനാധിപത്യ വ്യവസ്ഥയില് മാധ്യമങ്ങളുടെ സ്ഥാനം ഏറെ വലുതാണ്. തെറ്റധരിപ്പിക്കപ്പെടാതിരിക്കുക എന്നത് ഓരോ വ്യക്തിയുടേയും മൗലികാവകാശമാണ്. മാധ്യമ രംഗം ഇടതുപക്ഷ സഹയാത്രികരും, ഇസ്ലാമിക ജിഹാദിശക്തികളും കൈകോര്ക്കുന്ന അവസ്ഥയാണുള്ളത്. സാമൂഹ്യ മാധ്യമങ്ങളിലും ഇത്തരം ചിദ്രശക്തികള് നടത്തുന്ന നീക്കങ്ങളേയും നാം കരുതിയിരിക്കണം. സ്വാമി നാരായണ പ്രസ്താനത്തിലൂടെ ഹിന്ദു സംഘടനകളേയും മോദിസര്ക്കാരിനേയും കരിവാരിതേക്കുവാന് ലക്ഷ്യംവെച്ച് നടത്തിയ ഫെയ്സ്ബുക്ക് പോസ്റ്റോടെ ഉടലെടുത്ത പുസ്തക വിവാദം. ഇതിന്റെ ഒടുവിലത്തെ ഉദാഹരണമാണ് മാധ്യമരംഗത്തെ ഇടതുപക്ഷ സഹയാത്രികരുടേയും ജിഹാദികളുടേയുമിടയില് ദല്ലാള് പണിചെയ്യുന്നത് ഒരു മുന്പാര്ലമെന്റ് അംഗമാണ്. കരാര് നിലവിലുള്ളതുകൊണ്ട് ഭാരതത്തിന് വേണ്ടി ജീവിതം സമര്പ്പിച്ച ഡോ.എം.പി.ജെ.അബ്ദുള് കലാമിന്റെ ഖബറടക്കം നടന്ന ദിവസത്തെ ദേശാഭിമാനി പത്രത്തില് യാക്കൂബ് മേമന്റെ വധ ശിക്ഷ ലീഡ് വാര്ത്തയായതെന്നും ഡോ.എന്.ആര്.മധു ആരോപിച്ചു.
ഇറാനില് ഐഎസ് ഭീകരരുടെ തടവിലായിരുന്ന മലയാളികളടക്കമുള്ള യുവതികളെ ഭാരത ഭരണകൂടം രക്ഷിച്ചുകൊണ്ടുവന്നപ്പോള് അതിനേ നേതൃത്വപരമായ പങ്ക് വഹിച്ച സൈനികരെ അഭിനന്ദിക്കാന് തയ്യാറാകാതിരുന്ന വി.എസ്.അച്യുതാനന്ദന് ഐഎസ് ഭീകരര്ക്ക് നന്ദി രേഖപ്പെടുത്തിയത് ഈ അവിശുദ്ധ കൂട്ടുകെട്ടിന്റെ ഭാഗമാണെന്നും അദ്ദേഹം പറഞ്ഞു.
കേസരി വാര്ത്ത അധിഷ്ടിത വാരികയല്ലെന്നും വീക്ഷണാധിഷ്ടിത വാരികയാണെന്നും മുഖ്യപത്രാധിപര് പറഞ്ഞു. ആര്എസ്എസ് വിഭാഗ് സംഘചാലക് എം.എസ്.പത്മനാഭന് അദ്ധ്യക്ഷതവഹിച്ചു. ജില്ലാ പ്രചാര്പ്രമുഖ് എം.ആര്.അജിത്കുമാര് സ്വാഗതം പറഞ്ഞു.
