കോട്ടയം: കോടിമത എംജി റോഡിലെ മാലിന്യ നിക്ഷേപം അവസാനിപ്പിക്കണമെന്ന് റസിഡന്റ്സ് അസോസിയേഷന് സംയുക്ത സമര സമിതി ആവശ്യപ്പെട്ടു.
ഈ പ്രദേശത്ത് നഗരസഭയും സ്വകാര്യ വ്യക്തികളും നടത്തുന്ന മാലിന്യ നിക്ഷേപം പ്രദേശവാസികളുടെ ജീവിതം ദുസ്സഹമാക്കിയിരിക്കുകയാണെന്ന് സമരസമിതി ചൂണ്ടിക്കാട്ടി. ഇതുമായി ബന്ധപ്പെട്ട് നഗരസഭാ അധികൃതര്ക്കും ആര്ഡിഒയ്ക്കും ഡിഎംഒയ്ക്കും പൊല്യൂഷന് കണ്ട്രോള് ബോര്ഡിനും ഭീമഹര്ജി നല്കാന് യോഗം തീരുമാനിച്ചു. മാലിന്യ പ്രശ്നവുമായി ബന്ധപ്പെട്ട് ഉന്നതതല യോഗം വിളിച്ചു ചേര്ക്കണമെന്ന് പ്രദേശവാസി കൂടിയായ മന്ത്രി തിരുവഞ്ചൂര് രാധാകൃഷ്ണനോട് സമിതി അഭ്യര്ത്ഥിച്ചു.
മൈത്രി, കോടിമത, വയസ്കര, കച്ചേരിക്കടവ് റസിഡന്റ്സ് അസോസിയേഷനുകളാണ് സംയുക്ത സമരസമിതിക്ക് രൂപം നല്കിയത്. ജനറല് കണ്വീനറായി ബാലചന്ദ്രന് ചീറോത്ത്, സെക്രട്ടറിയായി വിശ്വനാഥന് കുന്നപ്പള്ളി, കണ്വീനര്മാരായി എം ജയകുമാര്, എം കെ രാജീവന് നായര്, പി എസ് ഉണ്ണികൃഷ്ണ വാര്യര്, പി കെ കമലമ്മ എന്നിവരെ തെരഞ്ഞെടുത്തു.
