കുറിച്ചി: അശാസ്ത്രീയമായ റോഡ് നിര്മ്മാണത്തിലൂടെ സിപിഎം പ്രവര്ത്തകരും കരാറുകാരും ലക്ഷക്കണക്കിന് രൂപ കുറിച്ചി പഞ്ചായത്തില് കൊള്ളയടിക്കുന്നു. വെള്ളക്കെട്ടാല് നിറയുന്ന മലകുന്നം-പൊടിപ്പാറ പള്ളിക്ക് സമീപമുള്ള റോഡാണ് രണ്ട് മൂന്ന് തവണകളായി ആവശ്യമായ രൂപരേഖ തയ്യാറാക്കാതെ നിര്മ്മാണം നടത്തി പണം ധൂര്ത്ത് ചെയ്തത്. വെള്ളം ഒഴുകിപ്പോകുവാനുള്ള ഓടയുടെ നിര്മ്മാണം ആദ്യം നടത്താതെ ടാറിംഗ് നടത്തുകയും, അതിന് തൊട്ടടുത്ത ദിവസം തന്നെ റോഡ് പൊളിഞ്ഞ് നശിക്കുകയും ചെയ്തു.
വീണ്ടും കോണ്ക്രീറ്റ് നടത്തുകയും ചെയ്തു. എന്നാല് അതും വെള്ളമൊഴുകുന്ന സംവിധാനം ശരിയല്ലാത്തതിനാല് നശിച്ചുപോയി. ഇത്തരത്തില് കഴിഞ്ഞ ഒന്നരവര്ഷക്കാലമായി തുടങ്ങിവരുന്ന ഈ പണം ധൂര്ത്ത് ചെയ്യല് ആവര്ത്തിക്കാനായി അശാസ്ത്രീയമായി പാകപ്പിഴകള് കണ്ടുപിടിക്കാതെ വീണ്ടും റോഡുപണി പുനരാരംഭിച്ചിരിക്കുന്നു. ശാസ്ത്രീയമായി ഓട പണിയുകയും റോഡ് സ്ഥിരമായി ഉപയോഗിക്കുന്നതിനുള്ള ബുദ്ധി കാണിക്കാതെ സിപിഎം ഭരിച്ചുകൊണ്ടിരിക്കുന്ന കുറിച്ചി പഞ്ചായത്തില് നടക്കുന്ന ഈ കൊള്ളയടിക്കലിനെതിരെ വിജിലിന്സിനെക്കൊണ്ട് അനേ്വഷണം നടത്തിക്കണമെന്ന് ബിജെപി പഞ്ചായത്ത് കമ്മറ്റി പ്രസിഡന്റ് വി.ആര്.മഞ്ജീഷ് ആവശ്യപ്പെട്ടു. ബി.ജെ.പി മണ്ഡലം കമ്മറ്റി കെ.കെ. ഉദയകുമാര്, പഞ്ചാ.സെക്രട്ടറി എം.കെ.മനോജ്, വി.ആര്.ശിവദാസ് വാക്കയില് തുടങ്ങിയവര് സംസാരിച്ചു.
