െൈവക്കം : ദേശീയപാതയിലും സംസ്ഥാനപാതയിലും അമിതവേഗത്തില്‍ ഓടിയതിന് ക്യാമറയില്‍ പതിഞ്ഞതിനെ തുടര്‍ന്ന് പിഴയടക്കാത്ത വാഹനങ്ങള്‍ക്കെതിരെ നടപടി തുടങ്ങി. നിയമലംഘനം നടത്തിയവരെ ക്യാമറയിലൂടെ എടുത്ത ചിത്രങ്ങളുടെ സഹായത്തോടെ കണ്ടുപിടിക്കുകയും അവരില്‍ കുറ്റാരോപണ മെമ്മോ അടച്ചു കേസ് തീര്‍പ്പാക്കാന്‍ അവസരം നല്‍കിയിട്ട് അതിന് കൂട്ടാക്കാതിരുന്നവര്‍ക്കെതിരെയുള്ള തുടര്‍നടപടികളാണ് ആരംഭിച്ചത്. ഇതനുസരിച്ച് ഒന്നിലധികം തവണ നിയമലംഘനം നടത്തിയവരുടെ ലൈസന്‍സില്‍ മൂന്ന് മാസം മുതല്‍ ആറ് മാസം വരെ അയോഗ്യത കല്‍പിക്കും. വാഹനം ഓടിച്ച ഡ്രൈവര്‍ സ്വയം ഹാജരായി 400 രൂപ പിഴ ഒടുക്കിയില്ലെങ്കില്‍ ഡ്രൈവറോടൊപ്പം ഉടമ അതിനു അനുവദിച്ചു എന്ന നിഗമനത്തില്‍ ഡ്രൈവറില്‍ നിന്ന് പിഴ ഈടാക്കുന്നതു കൂടാതെ 300 രൂപ വാഹന ഉടമയില്‍ നിന്നുകൂടി ഈടാക്കും. സിഗ്നല്‍ ലംഘനം നടത്തിയതിനുള്ള പിഴ 1000 രൂപയായിരിക്കും. വൈക്കം സബ് ആര്‍.ട ഓഫീസ് പരിധിയില്‍ ഇനിയും പിഴയടച്ച് തീര്‍ക്കാത്ത 1061 കേസുകളുണ്ടെന്ന് ജോയിന്റ് ആര്‍.ടി.ഒ വി.സജിത്ത് അറിയിച്ചു. ഇവയ്‌ക്ക് നോട്ടീസ് കിട്ടിയിട്ടില്ലെങ്കിലോ പോസ്റ്റല്‍ വഴി അടച്ചു മടങ്ങിവന്നവയ്‌ക്കോ ഓഫീസുമായി ബന്ധപ്പെട്ട് തങ്ങളുടെ വാഹനം ഇതില്‍പ്പെട്ടിട്ടുണ്ടോ എന്ന് ഉറപ്പുവരുത്തി അനന്തരനടപടികളില്‍ നിന്നും ഒഴിവാകാം. ഈ സമയപരിധിക്കുള്ളില്‍ പിഴ ഒടുക്കി കേസ് തീര്‍പ്പാക്കാത്തവരുടെ വാഹനരജിസ്‌ട്രേഷന്‍ ഹിസ്റ്ററിയില്‍ ഇതു ചേര്‍ക്കുമന്നും, പ്രൈവറ്റ് വാഹനങ്ങള്‍ മറ്റെവിടെയും ഇത് തീര്‍ക്കാതെ കൈമാറ്റം അനുവദിക്കില്ലെന്നും ജോയിന്റ് ആര്‍.ടി.ഒ അറിയിച്ചു.
അമിതവേഗത: പിഴയടയ്ക്കാത്ത വാഹനങ്ങള്‍ക്കെതിരെ നടപടി
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.