കോട്ടയം : വസ്തുവിന്റെ അളവ് ,അതിരുകള് ,ഭൂരേഖ തുടങ്ങിയ വിവരങ്ങള് ഓണ്ലൈനില് ലഭ്യമാക്കുന്നതിനുള്ള സംവിധാനം സര്വ്വേയുംഭൂരേഖയും വകുപ്പ് ജില്ലയില് ഏര്പ്പെടുത്തി.ഇതിനായി തയ്യാറാക്കിയ ഡിജിറ്റലൈസേഷന് സെന്ററിന്റേയും പുതുതായി നിര്മ്മിച്ച റീ-സര്വ്വേ അസി.ഡയറക്ടര് ഓഫീസിന്റേയും ഉദ്ഘാടനം റവന്യു-കയര് വകുപ്പു മന്ത്രി അടൂര്പ്രകാശ് നിര്വ്വഹിച്ചു. ഭൂസര്വ്വേയുമായി ബന്ധപ്പെട്ട പ്രവര്ത്തനങ്ങള് വേഗത്തിലാക്കുമെന്നും കൂടുതല് ജീവനക്കാരെ ഇതിനായി ജില്ലയില് നിയോഗിക്കുമെന്നും മന്ത്രി പറഞ്ഞു.ഭൂസര്വ്വേയില് വിവരശേഖരണം കൃത്യമായി നടത്തണമെന്നും പരാതികള് സമയബന്ധിതമായി പരിഹരിക്കണമെന്നും ചടങ്ങില് പങ്കെടുത്ത ഉദ്യോഗസ്ഥരോട് അദ്ദേഹം ആവശ്യപ്പെട്ടു.കോട്ടയം റീ-സര്വ്വേ അസി.ഡയറക്ടര് ഓഫീസ് കോണ്ഫറന്സ് ഹാളില് ചേര്ന്ന ഉദ്ഘാടന യോഗത്തില് മന്ത്രി തിരുവഞ്ചൂര് രാധാകൃഷ്ണന് അദ്ധ്യക്ഷത വഹിച്ചു.കൗണ്സിലര് എന്.എസ്.ഹരിശ്ചന്ദ്രന്,ഏഡിഎം മോന്സി.പി.അലക്സാണ്ടര്, ഡെ.ഡയറക്ടര് കെ.വിജയന്, എക്സി.എഞ്ചിനീയര് റെജീന അഗസ്റ്റിന്,ഭൂമികേരളം പ്രോജക്ട് മാനേജര് ബിനീഷ് ആന്റണിഎന്നിവര് സംസാരിച്ചു.
സര്വ്വേ വിവരങ്ങള് ഇനി ഓണ്ലൈനില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.