കണ്ണൂര്: തലശ്ശേരി നങ്ങാറത്ത് പീടികയില് ഗുരുദേവന്റെ പ്രതിമ തകര്ത്ത സംഭവത്തില് പോലീസ് സമഗ്രമായ അന്വേഷണം നടത്തി യഥാര്ത്ഥ കുറ്റവാളികളെ നിയമത്തിന് മുന്നില് കൊണ്ടുവരണമെന്ന് രാഷ്ട്രീയ സ്വയംസേവക സംഘം ജില്ലാ കാര്യവാഹ് കെ.പ്രമോദ് പ്രസ്ഥാവനയില് ആവശ്യപ്പെട്ടു. രാഷ്ട്രീയ സ്വയംസേവക സംഘത്തിനോ അനുബന്ധ പ്രസ്ഥാനങ്ങള്ക്കോ അക്രമത്തില് യാതൊരു പങ്കുമില്ല. അക്രമവുമായി ബന്ധപ്പെട്ട് സിപിഎം ആസൂത്രിതമായി നടത്തുന്ന ദുഷ്പ്രചരണങ്ങളെ ജനങ്ങള് തള്ളിക്കളയണമെന്നും പ്രമോദ് ആവശ്യപ്പെട്ടു. സിപിഎമ്മിന്റെ ആഭിമുഖ്യത്തില് തളിപ്പറമ്പ് ഏഴാം മൈലില് നടന്ന ഘോഷയാത്രയില് ഗുരുദേവനെ കുരിശിലേറ്റിയ നിശ്ചലദൃശ്യമൊരുക്കിയത് വിവാദമായ സാഹചര്യത്തിലാണ് തലശ്ശേരിയില് ഇത്തരമൊരു അക്രമ സംഭവമുണ്ടായിരിക്കുന്നത്. യഥാര്ത്ഥ പ്രശ്നത്തില് നിന്ന് ജനശ്രദ്ധ തിരിച്ച് വിടാനുള്ള സിപിഎമ്മിന്റെ ബോധപൂര്വ്വമായ ശ്രമത്തിന്റെ ഭാഗമാണ് തലശ്ശേരിയിലെ അക്രമമെന്നും പ്രമോദ് പറഞ്ഞു.
ഗുരുദേവന്റെ പ്രതിമ തകര്ത്ത സംഭവത്തില് സമഗ്രാന്വേഷണം വേണം: ആര്എസ്എസ്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.