ആലപ്പുഴ: പഞ്ചഗവ്യ ചികിത്സയെക്കുറിച്ച് ജനങ്ങളെ ബോധവല്ക്കരിക്കുന്നതിനായി ഗാന്ധിസ്മാരക ഗ്രാമസേവാകേന്ദ്രവും ജില്ലാ പ്രകൃതികര്ഷക-നാടന്പശു സംരക്ഷണസമിതിയും ചേര്ന്ന് ശില്പശാലയും ക്യാമ്പും സംഘടിപ്പിക്കും. എസ്എല്പുരം ഗാന്ധിസ്മാരക ഗ്രാമസേവാകേന്ദ്രത്തില് 13ന് ഉച്ചയ്ക്കു 2.30 ന് ശില്പശാലയും 14ന് രാവിലെ 6.30ന് ക്യാമ്പും നടക്കും.
തമിഴ്നാട്ടില് പ്രവര്ത്തിക്കുന്ന മഹര്ഷി വാഗ്ഭടഗോശാലാ പഞ്ചഗവ്യഅനുസന്ധാന് കേന്ദ്രത്തിന്റെ കുലപതി നിരഞ്ജന് വര്മ്മയാണ് മുഖ്യ പ്രഭാഷണം നടത്തുന്നത്. ഗുരുജിയും അദ്ദേഹത്തെ അനുഗമിക്കുന്ന ഗവ്യസിദ്ധന്മാരും ചേര്ന്ന് രോഗികളെ പരിശോധിച്ച് രോഗനിര്ണ്ണയം നടത്തി ചികിത്സിക്കുന്നതുമാണ്. ശില്പശാലയിലും ക്യാമ്പിലും പങ്കെടുക്കുവാന് താത്പര്യമുള്ളവര് മുന്കൂട്ടി പേര് രജിസ്റ്റര് ചെയ്യേണ്ടതാണ്. ഫോണ് – 0478 2861493.
