കേരളത്തിന്റെ തൊട്ടടുത്ത് കിടക്കുന്ന തമിഴ്നാട്ടില് പലര്ക്കും അറിയില്ല പണിമുടക്ക് ആണെന്ന്. എല്ലാം സാധാരണ പോലെ. തൊഴിലാളികള് പണിക്ക് പോകുന്നു. കുട്ടികള് സ്കൂളില് പോകുന്നു. വാഹനങ്ങളുടെ തിരക്കിലും ഒട്ടും കുറവില്ല. കടകളും മാര്ക്കറ്റും എല്ലാം സാധാരണപോലെ. പണിമുടക്ക് അവിടെ ഒരു ചലനവും സൃഷ്ടിച്ചിട്ടില്ല.
ഇത്തരത്തില് ഹര്ത്താലും ബന്തും ഉപരോധവും അനാവശ്യ സമരങ്ങളും നടത്തി വികസനം മുരടിപ്പിക്കുന്ന പാര്ട്ടികള് ഇല്ലാതായാല് രാജ്യം രക്ഷപ്പെടും. ദേശീയ പണിമുടക്ക് ഈ നശിച്ച കേരത്തില് മാത്രമേ ബന്തായുള്ളൂ. നമ്മുടെ ഗതികേട്. പേര് ദേശീയ പണിമുടക്ക്. പക്ഷെ ഇതിപ്പോ കേരള സംസ്ഥാന പണിമുടക്ക് മാത്രമായി ചുരുങ്ങി. കേരളം ഒഴികെ ഭാരതത്തിലെ മറ്റെല്ലാ സംസ്ഥാനങ്ങളിലും പണിമുടക്കായിരുന്നോന്ന് 99% പേര്ക്കും അറിയുക പോലുമില്ല, അഥവാ ഇനി അറിഞ്ഞിട്ടുണ്ടെങ്കില് അതിനെക്കുറിച്ച് വേവലാതിപ്പെടാന് അവര്ക്ക് താല്പ്പര്യവുമില്ല.
പക്ഷെ ഇവിടെ കേരളത്തില് മാത്രം പണിമുടക്ക്. പൊതുവേയുള്ള പറച്ചില് കേരളത്തില് 100% വിദ്യാഭ്യാസം ഉണ്ടെന്നതാണ്. മറ്റു സംസ്ഥാനങ്ങളില് ഇത്രയും വിദ്യാഭ്യാസം ഇല്ല എന്നും. പക്ഷെ യഥാര്ത്ഥ്യം, കേരളത്തിലുള്ളതിനെക്കാള് വിവരദോഷികള് മറ്റു സംസ്ഥാനങ്ങളില് ഇല്ല എന്നതാണ്.
സന്ദീപ് വാസു
