ന്യൂ ജനറേഷന് എന്നതിന് ഭ്രാന്തുപിടിച്ച യുവാക്കളുടെ കൂട്ടം എന്നാണ് അര്ഥം എന്ന് ഈ അടുത്താണ് മനസ്സിലായത്. കേരളം ഓണം ആഘോഷിക്കാന് തുടങ്ങിയത് ഇന്നോ ഇന്നലെയോ അല്ല. മലയാളികള് തലമുറകളായി ആഘോഷിച്ചു വരുന്ന ഉത്സവമാണിത്. പൂക്കളവും സദ്യയും തിരുവാതിരയും പുലികളിയും ഒക്കെയായി നമ്മുടേത് മാത്രമായ ഈ ആഘോഷത്തില് ജെസിബി, കെഎസ്ആര്ടിസി, ചെകുത്താന് ലോറി, ജീപ്പ്, ഫയര് എഞ്ചിന് എന്നിവയുടെ ആവശ്യമുണ്ടോ. എല്ലാത്തിനും ഒരു പരിധിയുണ്ട്.
വൈശാഖ് ദിനേഷ്
ആഘോഷം അതിരുകടന്നപ്പോള് നഷ്ടപ്പെട്ടതൊരു ജീവന്. അതിന് നിയമത്തിന്റെ ഒരു ദയയും അര്ഹിക്കുന്നില്ല. തസ്നിയുടെ മാതാപിതാക്കളുടെ കണ്ണീരിനു ഉത്തരവാദികള് മറുപടി നല്കിയേ തീരൂ. തെളിവുകളുടെ കുറവ് എന്നൊക്കെ പറഞ്ഞ് ഈ കേസ് തേയ്ച്ചു മായ്ച്ചു കളയില്ലെന്ന് ഞങ്ങള്ക്ക് പുതിയ ഡിജിപി സെന് കുമാര് സാറില് വിശ്വാസമുണ്ട്.
അടൂരിലെ എഞ്ചിനീയറിംഗ് കോളേജില് കണ്ടത് പണക്കൊഴുപ്പിന്റെ അഹങ്കാരമാണ്. അതിരുകടന്നുള്ള ഈ ആഘോഷ പ്രകടനങ്ങളില് സിഇടിയില് ഉണ്ടായതുപോലൊന്ന് ആവര്ത്തിച്ചിരുന്നെങ്കില് എന്തുചെയ്തേനെ. ന്യൂജനറേഷന് ആഘോഷമാണിതെന്നു പറഞ്ഞ് ഈ വാര്ത്തകളെ തള്ളിക്കളഞ്ഞവര് പോലും വിദ്യാര്ത്ഥികളെ പഴിപറഞ്ഞേനെ.
അജയ് സി. എന്.
