പുനലൂര്: വിവാദരഹിത കേരളം, വികസനോന്മുഖ കേരളം എന്ന മുദ്രവാക്യമുയര്ത്തി ബിഎംഎസ് സംഘടിപ്പിച്ച പദയാത്ര പുനലൂര് മേഖലയില് ആവേശമുയര്ത്തി. ബിഎംഎസ് പിറവന്തൂരില് നടത്തിയ പദയാത്രക്ക് പഞ്ചായത്ത് സമിതി പ്രസിഡന്റ് അജിഷ് പുന്തല ക്യാപ്റ്റനായി. സമാപനയോഗം ജില്ല വൈസ് പ്രസിഡന്റ് ബി.ശശിധരന് ഉദ്ഘാടനം ചെയ്തു. പുനലൂരില് മുനിസിപ്പല് കമ്മിറ്റി പ്രസിഡന്റ് സുരേന്ദ്രന്പിള്ള നയിച്ച പദയാത്ര ബിഎംഎസ് ജില്ലാ സമിതി അംഗം ഉണ്ണികൃഷ്ണന് ഉദ്ഘാടനം ചെയ്തു. ജില്ലാ സെക്രട്ടറി ടി.രാജേന്ദ്രന്പിള്ള സമാപനസമ്മേളനം ഉദ്ഘാടനം ചെയ്തു. തെന്മലയില് പ്രസിഡന്റ് ഇടതുണ്ടില് മനോഹരന് നയിച്ച പദയാത്ര പി.കെ.മുരളീധരന് നായര് ഉദ്ഘാടനം ചെയ്തു. ആര്യങ്കാവില് ജോര്ജ്ജ് നയിച്ച പദയാത്ര ബിഎംഎസ് ജില്ലാ ജനറല് സെക്രട്ടറി ആര്.രാധാകൃഷ്ണന് ഉദ്ഘാടനം ചെയ്തു.
ആര്യങ്കാവ്, തെന്മല പഞ്ചായത്ത് പദയാത്രകളുടെ സമാപനസമ്മേളനം തെന്മലയില് ടി.രാജേന്ദ്രന്പിള്ള നിര്വഹിച്ചു. കരവാളൂരില് നടന്ന വിശദീകരണയോഗത്തില് ബാലപ്പന്പിള്ള അധ്യക്ഷനായിരുന്നു. ആര്.രാധാകൃഷ്ണന് ഉദ്ഘാടനം ചെയ്തു. സുരേഷ് മോഹന്, ബാലചന്ദ്രക്കുറുപ്പ്, റെജി വി.നായര്, ആര്യങ്കാവ് സോമന്, ഇടമണ് റെജി തുടങ്ങിയവര് വിവിധ യോഗത്തില് സംസാരിച്ചു.
