പത്തിന്ദ്രിയങ്ങളേയും ജയിച്ചവനാണ് ദശരഥന്. അറുപതിനായിരം വര്ഷം രാജ്യഭാരം വഹിച്ച് ശരീരം ജീര്ണ്ണിച്ചുവെന്ന് അദ്ദേഹം തന്നെപറയുന്നു. എന്നാല് ഭോഗങ്ങളെല്ലാം അനുഭവിച്ച് ശരീരം മാത്രമല്ല ആ മനസ്സും നന്നായി ക്ഷീണിച്ചു. ഓരോനിമിഷവും ദശരഥന് അന്തഃസംഘര്ഷം കൊണ്ട് നീറുകയുമായിരുന്നു. അതിനെന്താണ് കാരണം?
കാരണം കൈകേയിതന്നെ. കൗസല്യയില് പുത്രനുണ്ടാകാത്തതുകൊണ്ടാണല്ലോ കൈകേയിലെ വിവാഹം ചെയ്യുന്നത്. വൃദ്ധനായ ദശരഥന് പുത്രിയെ നല്കാന് ആദ്യം കേകയന് വിസമ്മതിക്കുന്നു. പിന്നെ ഒരല്പം രാഷ്ട്രതന്ത്രജ്ഞതയുണ്ടായിരുന്നു. അക്കാലത്തെ പ്രബലങ്ങളായ മൂന്നു രാജ്യങ്ങളായിരുന്നു കോസലം, മിഥില, കേകയം എന്നിവ ഇവയില് കേകയവും മിഥിലയും തമ്മില് ഇടയ്ക്കിടെ കലഹങ്ങളുണ്ടാകുമായിരുന്നു. ഇവരുടെ ശത്രുതയില് നിക്ഷ്പക്ഷത പാലിച്ചായിരുന്നു കോസലം കഴിഞ്ഞുവന്നത്. ശക്തനായ ദശരഥന്റെ സഹായത്തോടെ എന്നെങ്കിലും മിഥില കീഴടക്കാമെന്ന് ഒരുദ്ദേശ്യത്തോടെയാണ് ഒടുവില് കന്യാദാനം നല്കാമെന്ന് കേകയന് സമ്മതിച്ചത്.
അതുകൊണ്ട് വിവാഹത്തിന് ഒരു വ്യവസ്ഥ വച്ചു ദശരഥന് കന്യാശുല്ക്കം നല്കണം. കൈകേയിയുടെ പുത്രന് രാജ്യാവകാശം നല്കണം. ഇതായിരുന്നു ആവശ്യപ്പെട്ട കന്യാശുല്ക്കം. പുത്രനുണ്ടാകാനും രാജ്യാവകാശം നല്കാനുമാണല്ലോ രണ്ടാം വിവാഹം നടത്തുന്നത്. ദശരഥന് സന്തോഷത്തോടെ വാഗ്ദാനം ചെയ്തു. ഈ വാഗ്ദാനം നിറവേറ്റപ്പെടുന്നു എന്നുറപ്പു വരുത്താനാണ് ദാസിയായ മന്ഥരയെ കൈകേയിയുടെ കൂടെ അയച്ചത്.
മന്ഥര വെറും ദാസിയല്ല ധാത്രികൂടിയാണ്. കൈകേയീപുത്രന് അയോദ്ധ്യയിലെ രാജാവാകുമ്പോള് മിഥിലയെ കീഴടക്കാമല്ലോ എന്നായിരുന്നു മോഹിച്ചത്. സീതാസ്വയംവരത്തോടെ മിഥിലയും അയോദ്ധ്യയും ബന്ധുക്കളായി. കേകയന്റെ സ്വപ്നം പൊലിഞ്ഞു. നാം എന്തെല്ലാം തന്ത്രങ്ങള് നാം ആവിഷ്ക്കരിക്കുന്നു. ഈശ്വരന് എല്ലാം തകിടം മറിക്കുന്നു. അതാണ് പിന്നീട് കാണുന്ന ചിത്രം.
(തുടരും)
