കാഞ്ഞിരപ്പള്ളി: 26 -ാം മൈല് ആശുപത്രിക്ക് സമീപം പാലമ്പ്ര റോഡില് സ്കൂള് ബസില് കയറാന് നിന്ന വിദ്യാര്ത്ഥിനിയെ മുഖം മൂടി ധരിച്ചയാള് ആക്രമിച്ചു. രാവിലെ 8.30നായിരുന്നു സംഭവം. കാഞ്ഞിരപ്പള്ളിയിലെ സ്വകാര്യ സ്കൂളിലെ എട്ടാം ക്ലാസ് വിദ്യാര്ത്ഥിനിയ്ക്കാണ് മര്ദ്ദനമേറ്റത്. സംഭവത്തെക്കുറിച്ച് പെണ്കുട്ടി പറഞ്ഞതിങ്ങനെ: ബസില് കയറുവാന് നില്ക്കുമ്പോള് സമീപത്തെ റബര് തോട്ടത്തില് നിന്നും മുഖം മറച്ച് എത്തിയ ആള് കമ്പുകൊണ്ട് പെണ്കുട്ടിയുടെ തലയിലും മുഖത്തും അടിച്ചു. ശേഷം കൈകൊണ്ടും അടിച്ചു. അടിയെതുടര്ന്ന് താഴെ വീണ കുട്ടിയെ കൈയ്യില് കരുതിയിരുന്ന സാധനം മണപ്പിക്കാന് ശ്രമിച്ചു. പെണ്കുട്ടിയുടെ നിലവിളി കേട്ട് സമീപത്തെ വീടുകളില് നിന്നും ആള്ക്കാര് ഓടിയെത്തുന്നത് കണ്ട് അക്രമി തോട്ടത്തിലേക്ക് ഓടിപ്പോയി. ഈ സമയം എത്തിയ സ്കൂള് ബസില് കയറ്റി പെണ്കുട്ടിയെ 26-ാം മൈല് സ്വകാര്യ ആശുപത്രിയില് പ്രവേശിപ്പിച്ചു. തലയ്ക്കും കൈക്കും പരിക്കേറ്റ കുട്ടിയുടെ ആരോഗ്യ നിലതൃപ്തികരമാണെന്ന് ഡോക്ടര്മാര് അറിയിച്ചു. പെണ്കുട്ടിക്കുനേരെ മുമ്പും ശല്യമുണ്ടായതായി ബന്ധുക്കള് പറഞ്ഞു. ഇതു സംബന്ധിച്ച് കാഞ്ഞിരപ്പള്ളി പോലീസില് പരാതിയും നല്കിയിരുന്നു.
സ്കൂള്ബസ് കാത്തുനിന്ന വിദ്യാര്ത്ഥിനിയെ മുഖം മൂടി ധരിച്ചയാള് ആക്രമിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.