ഷാങ്ഹായ് : കമ്യൂണിസ്റ്റ് ചൈനയില് ആത്മജ്ഞാനത്തിന്റെ സന്ദേശം നല്കി ഭഗവദ് ഗീതയുടെ ചൈനീസ് പതിപ്പ് പുറത്തിറങ്ങി. അന്താരാഷ്ട്ര യോഗദിനത്തോടനുബന്ധിച്ച് നടത്തിയ സമ്മേളനത്തിലാണ് ഗീതയുടെ ചൈനീസ് പതിപ്പിന്റെ പ്രകാശനം നടന്നത് .
ഭാരതത്തിന്റെ ചൈനയിലെ സ്ഥാനപതി അശോക് കെ കാന്തയാണ് പ്രകാശനം നിര്വഹിച്ചത്. ഷെജിയാംഗ് സര്വകലാശാലയിലെ പ്രൊഫസര് വാങ്സു ചെംഗും ലിംഗ് ഹായിയുമാണ് ചൈനീസ് ഭാഷയിലേക്കുള്ള തര്ജ്ജമ നിര്വഹിച്ചത്. പുസ്തകത്തിന്റെ അവതാരിക എഴുതിയത് ഗ്വാങ് ഷുവിലെ ഇന്ത്യന് കോണ്സുലേറ്റ് ജനറല് കെ നാഗരാജ് നായിഡുവാണ്.
അഞ്ചു ദിവസം നീണ്ടു നില്ക്കുന്ന അന്താരാഷ്ട്ര യോഗദിന സമ്മേളനം ജൂണ് 21 ന് അവസാനിക്കും . ചൈനയിലും ഹോങ്കോങ്ങിലും നിരവധി പരിപാടികളാണ് അന്താരാഷ്ട്ര യോഗദിനത്തോടനുബന്ധിച്ച് സംഘടിപ്പിച്ചിരിക്കുന്നത്.
