ഹേ ഗോപാലക ഹേ കൃപാജലനിധേ ഹേ സിന്ധുകന്യാപതേ
ഹേ കംസാന്തക ഹേ ഗജേന്ദ്രകരുണാപാരീണ ഹേ മാധവ
ഹേ രാമാനുജ ഹേ ജഗത്ത്രയഗുരോ ഹേ പുണ്ഡരീകാക്ഷ മാം
ഹേ ഗോപീജനനാഥ പാലയ പരം ജാനാമി ന ത്വാം വിനാ
ഭക്താപായഭുജംഗഗാരൂഢ മണിസ്ത്രൈലോക്യരക്ഷാമണിഃ
ഗോപീലോചനചാതകാംബുദമണിഃ സൗന്ദര്യമുദ്രാമണിഃ
യഃ കാന്താമണിരുക്മിണീഘനകുചദ്വന്ദൈ്വകഭൂഷാമണിഃ
ശ്രേയോ ദേവശിഖാമണിര്ദ്ദിശതു നോ ഗോപാലചൂഡാമണിഃ
ശത്രുച്ഛേദൈകമന്ത്രം സകലമുപനിഷദ്വാക്യസംപൂജ്യമന്ത്രം
സംസാരോത്താരമന്ത്രം സമുപചിതതമസ്സംഘനിര്യാണമന്ത്രം
സര്വൈശ്വരൈ്യകമന്ത്രം വ്യസനഭുജഗസന്ദഷ്ടസന്ത്രാണമന്ത്രം
ജിഹ്വേ ശ്രീകൃഷ്ണമന്ത്രം ജപ ജപ സതതം ജന്മസാഫല്യമന്ത്രം
വ്യാമോഹപ്രശമൗഷധം മുനിമനോവൃത്തി പ്രവൃത്ത്യൗഷധം
ദൈതേ്യന്ദ്രാര്തികരൗഷധം ത്രിജഗദാം സഞ്ജീവനൈകൗഷധം
ഭക്താത്യന്തഹിതൗഷധം ഭവഭയപ്രധ്വംസനൈകൗഷധം
ശ്രേയഃ പ്രാപ്തികരൗഷധം പിബ മനഃ ശ്രീകൃഷ്ണദിവ്യൗഷധം
…. തുടരും
