പള്ളിക്കത്തോട്: കദളിമുറ്റത്ത് അക്രമം തുടരുന്നു. ഇന്നലെയും ഒരു ബിജെപി പ്രവര്ത്തകന്റെ വീടിനു നേരെ ആക്രമണം നടന്നു. ഇന്നലെ രാത്രി പന്ത്രണ്ടോടെയാണ് ബിജെപി പ്രവര്ത്തകനായ വരദരാജന്റെ വീട് ഏതാനും സാമൂഹ്യവിരുദ്ധര് എറിഞ്ഞുതകര്ത്തത്. ഏതാനും നാളുകള്ക്കുമുമ്പ് രണ്ടു വീടുകള്ക്ക് നേരെ ഇതുപോലെ അക്രമം നടന്നിരുന്നു. ഈ പ്രദേശത്തെ ബിജെപിയുടെ കൊടിമരങ്ങള് നശിപ്പിച്ചതുമായി ബന്ധപ്പെട്ടും പോലീസില് പരാതി നല്കിയിരുന്നതാണ്. വീട് ആക്രമിച്ച കേസിലും കൊടിമരങ്ങള് നശിപ്പിച്ച സംഭവത്തിലും അന്വേഷണം നടത്തി പ്രതികളെ കണ്ടെത്തുന്നതില് പോലീസ് കാണിച്ച നിസ്സംഗതയാണ് കദളിമറ്റം പ്രദേശത്ത് സാമൂഹ്യവിരുദ്ധരുടെ അഴിഞ്ഞാട്ടം തുടരാന് കാരണമെന്ന് ബിജെപി ജില്ലാ ജനറല്സെക്രട്ടറി എന്. ഹരി ആരോപിച്ചു.
വരദരാജന്റെ വീടിനു നേരെ നടന്ന അക്രമത്തില് ബിജെപി പ്രതിഷേധിച്ചു. പഞ്ചായത്ത് പ്രസിഡന്റ് എം.എ. അജയകുമാര് അദ്ധ്യക്ഷത വഹിച്ചു. ആര്. രാജേഷ്, കെ.കെ. വിപിനചന്ദ്രന്, കെ.ആര്. ആദര്ശ്, ജി. മഞ്ജിത്, സന്ദീപ് തുടങ്ങിയവര് പ്രസംഗിച്ചു.
