രാമായണ പാരായണം ആരംഭിക്കുന്നതിനുമുമ്പ്:-
വാല്മീകി വന്ദനം
കൂജന്തം രാമരാമേതി, മധൂരം മധുരാക്ഷരം,
ആരൂഹ്യ കവിതാശാഖാം, വന്ദേ വാല്മീകി കോകിലം
തുഞ്ചത്താചാര്യ വന്ദനം
സാനന്ദരൂപം സകലപ്രബോധം
ആനന്ദദാനാമൃത പാരിജാതം
മനുഷ്യപത്മേഷു രവിസ്വരൂപം
പ്രണാമി തുഞ്ചത്തെഴുമാര്യപാദം
ശ്രീരാമ വന്ദനം
മംഗളം കോസലേന്ദ്രായ, മഹനീയഗുണാബ്ധയേ
ചക്രവര്ത്തി തനുജായ സാര്വ്വഭൗമായ മംഗളം
പ്രാര്ത്ഥന
ശ്രീരാമ ശരണം സമസ്തജഗദാം, രാമം വിനാ കം ഗതിഃ
രാമേണ പ്രതിഹന്യതേ കലിമലം, രാമായ കാര്യം നമഃ
രാമാത് ത്രസ്യതി കാലഭീമഭുജഗഃ രാമസ്യ സര്വ്വം വശേ,
രാമേ ഭക്തിരചഞ്ചലാ ഭവതു മേ, ഹേ രാമ! മാമൂദ്ധര.
എഴുത്തച്ഛന്റെ ശ്രീരാമസ്തുതി
ശ്രീരാമ! രാമ! രാമ! ശ്രീരാമചന്ദ്ര ജയ
ശ്രീരാമ! രാമ! രാമ! ശ്രീരാമഭദ്ര! ജയ
ശ്രീരാമ! രാമ! രാമ! സീതാഭിരാമ! രാമ!
ശ്രീരാമ! രാമ! രാമ! ലോകാഭിരാമ ജയ
ശ്രീരാമ! രാമ! രാമ! രാവണാന്തക രാമ!
ശ്രീരാമ! മമ ഹൃദി രമതാം രാമ രാമ!
ശ്രീ രാഘവാത്മാരാമ! ശ്രീരാമ രമാപതേ!
ശ്രീരാമ! രമണീയവിഗ്രഹ! നമോസ്തു തേ
നാരായണായ നമോ! നാരായണായ നമോ!
നാരായണായ നമോ! നാരായണായ നമഃ
(ഹേ! സര്വ്വരേയും രമിപ്പിക്കുന്ന രാമ അങ്ങു ജയിക്കട്ടെ. ഹേ! ഭദ്രനായ രാമ അങ്ങു ജയിക്കട്ടെ. സീതയ്ക്ക് അഭിരാമനും ലോകത്തെ അഭിരമിപ്പിക്കുന്നവനുമായ രാമ, അങ്ങു ജയിക്കട്ടെ രാവണാന്തകനായ ഹേ രാമ! അങ്ങ് എന്റെ ഹൃദയത്തില് രമിച്ചാലും രഘുവംശത്തിന്റെ ആത്മാവായനവും രമാപതിയും മനോഹരരൂപനുമായ ഹേ ശ്രീരാമ, അങ്ങേയ്ക്കു നമസ്ക്കാരം!)
തുടര്ന്ന് എഴുത്തച്ഛന് ശ്രീരാമനാമം പാടിവന്ന പൈങ്കിളിപ്പെണ്ണിനോട് ശ്രീരാമചരിതം ചൊല്ലുവാന് അപേക്ഷിക്കുന്നു. പൈങ്കിളി ശ്രീരാമസ്മൃതിയോടെ കഥ പറഞ്ഞുതുടങ്ങുന്നു. ഗ്രന്ഥരചനയ്ക്കു യാതൊരു വിഘ്നവും വരുത്തരുതെന്ന് ഗണപതിയോടപേക്ഷിക്കുന്നു.
ശ്രീപരമേശ്വരന് കാനനത്തില് നാണമില്ലാതെ ദിഗംബരനായി നൃത്തം ചെയ്യുന്നതുപോലെ നാണംകൂടാതെ തന്റെ നാവില് നൃത്തം ചെയ്യണമെന്നും കാവ്യരചനയ്ക്ക് പദാവലി യഥേഷ്ടം തോന്നിപ്പിച്ച് അനുഗ്രഹിക്കണമെന്നും സരസ്വതീദേവിയോടും പ്രാര്ത്ഥിക്കുന്നു. ശ്രീകൃഷ്ണനായി വന്ന വിഷ്ണു, വിഷ്ണുവിന്റെ അവതാരമായി വന്ന് വേദങ്ങളെ പകുക്കുകയും പതിനെട്ടു പുരാണങ്ങളും രചിക്കുകയും ചെയ്ത വ്യാസന്, രാമായണം രചിച്ച വാല്മീകി, കാമാരിയും ഉമാവല്ലഭനും സര്വ്വേശ്വരനുമായ ശിവന്, ബ്രഹ്മാവു തുടങ്ങിയ ദേവന്മാര്, നാരദാമുനികള്, ശിവന്റെ പ്രാണനാഥനായ ശ്രീപാര്വതീദേവി, വാരിജപുത്രിയായ മഹാലക്ഷ്മി എന്നിവരോടൊക്കെക്കെ തന്റെ ഹൃദയത്തില് പ്രകാശിച്ച് അനുഗ്രഹിക്കണമെന്ന് എഴുത്തച്ഛന് പ്രാര്ത്ഥിക്കുന്നു.
… തുടരും
