പള്ളുരുത്തി: തദ്ദേശസ്വയം ഭരണസ്ഥാപനങ്ങളിലേക്ക് നടക്കുന്ന തെരഞ്ഞെടുപ്പില് കൊച്ചി നഗരസഭയില് ബിജെപി നിര്ണ്ണായകശക്തിയായി മാറുമെന്ന് ബിജെപി സംസ്ഥാന ജനറല് സെക്രട്ടറി എ.എന്.രാധാകൃഷ്ണന് അഭിപ്രായപ്പെട്ടു. പള്ളുരുത്തി മേഖലയില് നിന്നും ബിജെപിയുടെ ജനപ്രതിനിധികള് ജയിച്ചുവരുമെന്നും അദ്ദേഹം പറഞ്ഞു.
ബിജെപി 17-ാം ഡിവിഷന് തെരെഞ്ഞെടുപ്പുകണ്വെന്ഷന് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മോദി സര്ക്കാരിന്റെ ജനക്ഷേമ പദ്ധതികള് ജനങ്ങളിലെത്തിക്കാന് പ്രവര്ത്തകര് സന്നദ്ധരാകണമെന്നും അദ്ദേഹം നിര്ദ്ദേശിച്ചു. ബിജെപി തൃപ്പൂണിത്തുറ നിയോജകമണ്ഡലം മീഡിയാ സെല്കണ്വീനര് കെ.കെ.റോഷന്കുമാര് അദ്ധ്യക്ഷത വഹിച്ചു.
ബിജെപി ജില്ലാ വൈസ് പ്രസിഡന്റ് എന്.സജികുമാര് മുഖ്യപ്രഭാഷണം നടത്തി. മണ്ഡലം സെക്രട്ടറി കെ.ഡി.ദയാപരന്, ടി.എ.സുരേഷ്ബാബു, സി.കെ.അരുണ് എന്നിവര് പ്രസംഗിച്ചു. ജോയികുപ്പക്കാട്ട് (ജന.കണ്വീനര്), കെ.സി.ഷാബു (കണ്വീനര്), അഖില് രാജ്, ഐ.എസ്.ഷിബു (പ്രചരണം) ഇ.കെ.കുഞ്ഞുമോന് (ഫിനാന്സ്), എം.ആര്.വിനു, സുനില്കുമാര് (കുടുംബയോഗം) സി.കെ.അരുണ്, കെ.ജീവരാജ് (സമ്പര്ക്കം), ജയനൗഷാദ്, ശ്രീദേവി ഷിബു (വനിതാസ്ക്വാഡ്) എന്നിവരുടെ നേതൃത്വത്തില് 301 അംഗ തെരഞ്ഞെടുപ്പ് കമ്മിറ്റിരൂപീകരിച്ചു.
