ബീജിങ്: വിവിധമേഖലകളില് ഭാരതവുമായി കൈകോര്ത്ത് മുന്നോട്ട് പോവാന് തയ്യാറാണെന്ന് ചൈനീസ് വിദേശകാര്യ വക്താവ്. തന്ത്രപ്രധാനവും പ്രായോഗികവുമായ സഹകരണമാണ് ലക്ഷ്യമിടുന്നത്.
സാംസ്ക്കാരികവും ജനങ്ങള് തമ്മിലുള്ള പരസ്പര കൈമാറ്റവും ഇതില് ഉള്പ്പെടും. പ്രധാനമന്ത്രിയുടെ ചൈനാ സന്ദര്ശനത്തിന് ദിവസങ്ങള് മാത്രം ബാക്കി നില്ക്കെയാണ് ചൈനയുടെ ഈ പ്രതികരണം.
വര്ഷങ്ങളായി ഭാരതവും ചൈനയും പരസ്പര സഹകരണം വര്ദ്ധിപ്പിക്കുവാന് ശ്രമിച്ചുവരികയാണ്. ചൈനീസ് പ്രസിഡന്റ് സീ ജിന് പിങ്ങിന്റെ സപ്തംബറിലെ ഭാരത സന്ദര്ശനത്തില് അതിര്ത്തി തര്ക്കം പരിഹരിക്കുന്നതിനും സഹകരണം വര്ദ്ധിപ്പിക്കുന്നതിനുമുള്ള നരവധി നടപടികള് കൈകൊണ്ടിരുന്നു.
അടുത്ത അഞ്ച്, പത്ത് വര്ഷങ്ങള്ക്കുള്ളില് ഇരു രാജ്യങ്ങളിലെയും 2.3 ബില്യണ് ജനങ്ങള്ക്ക് സമാധാനവും സഹകരണവും വര്ദ്ധിപ്പിക്കുന്നതിനുള്ള നടപടികള് കൈകൊള്ളും.
ചൈനയിലെത്തുന്ന പ്രധാനമന്ത്രി നരേന്ദ്ര മോദി പ്രസിഡന്റ് സീ ജിന് പിങ്ങിന്റെ ജന്മദേശമായ സീയാന് സന്ദര്ശനം നടത്തും.
ഭാരത സന്ദര്ശന വേളയില് സീ ജിന് പിങ് അഹമ്മദാബാദ് സന്ദര്ശിച്ചിരുന്നു. മോദി ഊഷ്മള സ്വീകരണമാണ് പിങ്ങിന് നല്കിയത്. ചൈനയിലെത്തുന്ന നരേന്ദ്ര മോദിക്കും ഊഷ്മള സ്വീകരണമാണ് നല്കപ്പെടുക.
