ആലപ്പുഴ: നാടിന് പുത്തന് ഉണര്വ് നല്കി അഴിമതിക്കും ഒത്തുതീര്പ്പ് രാഷ്ട്രീയത്തിനുമെതിരെ വികസന സന്ദേശവുമായി ബിജെപി ജില്ലാ പ്രസിഡന്റ് വെള്ളിയാകുളം പരമേശ്വരന് നയിച്ച രാഷ്ട്രീയ പ്രചരണ യാത്ര തിരുവന്വണ്ടൂരില് സമാപിച്ചു. ഏപ്രില് 30ന് ആലപ്പുഴ നഗരത്തില് ബിജെപി ദേശീയ നിര്വാഹക സമിതിയംഗം പി.കെ. കൃഷ്ണദാസ് ഉദ്ഘാടനം ചെയ്ത യാത്ര ജില്ലയിലെ എല്ലാ പഞ്ചായത്തുകളും നഗരസഭകളിലും സന്ദര്ശിച്ചു.
പങ്കെടുത്ത ഓരോ സ്വീകരണ സ്ഥലത്തും വന് ജനാവലിയാണ് യാത്രയെ സ്വീകരിക്കാന് എത്തിച്ചേര്ന്നിരുന്നത്. സാമൂഹിക-സാംസ്കാരിക രംഗത്തെ പ്രമുഖര് യാത്രയില് പങ്കെടുത്തത് നാടിന്റെ പുതിയ പ്രതീക്ഷയുടെ നേര്ക്കാഴ്ചയായിരുന്നു. അഴിമതിക്കും ഒത്തുതീര്പ്പ് രാഷ്ട്രീയത്തിനുമെതിരെ ജനങ്ങളുടെ ആശ്രയമായി ബിജെപി മാറുന്ന കാഴ്ചയാണ് യാത്രയില് ഉടനീളം കാണുവാന് സാധിച്ചത്. രാഷ്ട്രീയത്തിന് അതീതമായ സ്വീകാര്യതയാണ് യാത്രയ്ക്ക് ലഭിച്ചത്.
സംസ്ഥാന സര്ക്കാരിന്റെ അഴിമതിയും ഒത്തുതീര്പ്പു രാഷ്ട്രീയത്തിന്റെയും നേര്ചിത്രങ്ങളും, അതോടൊപ്പം ചില മാധ്യമങ്ങളെ കൂട്ടുപിടിച്ച് കേന്ദ്രസര്ക്കാരിനെതിരെയുള്ള വ്യാജപ്രചരണങ്ങളെയും ജാഥാ ക്യാപ്റ്റന് വെള്ളിയാകുളം പരമേശ്വരനും വിവിധ യോഗസ്ഥലങ്ങളില് പ്രസംഗിച്ച ബിജെപി സംസ്ഥാന-ജില്ലാ നേതാക്കളും തുറന്നു കാട്ടി.
മെയ് അഞ്ചിന് വള്ളികുന്നം പഞ്ചായത്തില് ചൂനാട്ടുനിന്നും യാത്ര ആരംഭിച്ചു. തിരക്കഥാകൃത്ത് പ്രവീണ് ഇറവങ്കര ഉദ്ഘാടനം ചെയ്തു. തുടര്ന്ന് താമരക്കുളം, നൂറനാട് ടൗണ്, പടനിലം ജങ്ഷനുകളില് സ്വീകരണം നല്കി. തുടര്ന്ന് വെണ്മണി കല്ല്യാത്ര ജങ്ഷനില് യാത്രയെ ചെങ്ങന്നൂര് നിയോജകമണ്ഡലം കമ്മറ്റിയുടെ നേതൃത്വത്തില് സ്വീകരിച്ചു. ചെറിയനാട് ആലക്കോട് ജങ്ഷന്, ആലാ അത്തലക്കടവ്, പുലിയൂര് കിഴക്കേനട, ബുധനൂര് ആല്ത്തറ ജങ്ഷന്, മാന്നാര് സ്റ്റോര് ജങ്ഷന്, പാണ്ടനാട് മിത്രമഠം ജങ്ഷന്, എന്ജിനീയറിങ് കോളേജ് ജങ്ഷനിലും സ്വീകരണം നടന്നു. തിരുവന്വണ്ടൂരില് സമാപനയോഗം ദേശീയ നിര്വാഹകസമിതി ശോഭാ സുരേന്ദ്രന് ഉദ്ഘാടനം ചെയ്തു.
വിവിധ സ്വീകരണ യോഗങ്ങളില് സ്വീകരണ യോഗങ്ങളില് ജില്ലാ ജനറല് സെക്രട്ടറി കെ.സോമന്, എം.വി. ഗോപകുമാര്, ജി. ജയദേവ്, സി.എ. പുരുഷോത്തമന്, കെ.ജി. കര്ത്ത, പാലമുറ്റത്ത് വിജയകുമാര്, സുഷമ വി.നായര്, വത്സലകുഞ്ഞമ്മ, ബി. കൃഷ്ണകുമാര്, സജുകുരുവിള, രാധാകൃഷ്ണന്, രമേശ് പേരിശേരി, പി.കെ. വിജയന്, സജു ഇടക്കല്ലില്, സതീഷ് ചെറുവല്ലൂര് തുടങ്ങിയവര് പ്രസംഗിച്ചു.
