ഒറ്റപ്പെടല് അനുഭവിക്കുന്ന സ്ത്രീകള്ക്കായി തിരുവനന്തപുരത്ത് വൈഡബഌയുസിഎയില് മന്ദിരമൊരുങ്ങി. ജീവിതത്തിന്റെ വിവിധ മേഖലകളില് സേവനമനുഷ്ഠിച്ച് വാര്ധക്യകാലത്ത് അനുഭവിക്കുന്ന ഏകാന്തത ഇല്ലാതാക്കുകയാണ് ഈ സംരംഭത്തിനു പിന്നിലെന്ന് ജനറല് സെക്രട്ടറി പറഞ്ഞു.
മക്കള് വിദേശത്തോ മറ്റുസംസ്ഥാനങ്ങളിലോ ജോലിതേടിപ്പോയവരുടെ 55 വയസുകഴിഞ്ഞ അമ്മമാര്ക്കും കുട്ടികളില്ലാത്ത വിധവകള്ക്കും അവിവാഹിതരായ സ്ത്രീകള്ക്കും സ്വസ്ഥമായി താമസിക്കാന് സൗകര്യമൊരുക്കുകയാണ് ലക്ഷ്യം. സ്വന്തംകാര്യം നോക്കാന് പ്രപ്തിയുള്ള 50 അമ്മമാര്ക്കാണ് തുടക്കത്തില് താമസസൗകര്യമൊരുക്കിയിട്ടുള്ളത്. സിംഗിള് എസി, നോണ് എസി മുറികളും, ഡബിള് മുറികളും ലഭ്യമാണ്. കുറഞ്ഞത് ഒരുമാസംമുതല് ഒരു വര്ഷം വരെ കാലയളവില് താമസസൗകര്യം ലഭിക്കും.
മൂന്നു നിലകളിലായി നിര്മ്മിച്ച ഹോസ്റ്റലില് 28 മുറികളാണുള്ളത്. ലൈബ്രറി, ആരാധനയ്ക്കുള്ള സൗകര്യം, ലിഫ്റ്റ്, ഹൗസ്കീപ്പിംഗ് തുടങ്ങിയ സൗകര്യങ്ങള് ഒരുക്കിയിട്ടുണ്ട്.ഭാരതത്തിലെ വൈഎംസിഎ ശൃംഖലയില് ഇത്തരം സംരംഭം ആദ്യത്തേതാണ്. ഇത് മറ്റ് ശാഖകളിലേക്കും വ്യാപിപ്പിക്കാനാണ് ഉദ്ദേശിക്കുന്നത്.
മുതിര്ന്ന വനിതകള്ക്കായി സ്ത്രീകള് സ്ഥാപിച്ച ഈ മന്ദിരത്തില് സമാനചിന്താഗതിക്കാരും സമാനപ്രായക്കാരുമായവര്ക്ക് പരസ്പരസഹകരണവും ആശയവിനിമയവും സാദ്ധ്യമാക്കുകവഴി ഒറ്റപ്പെടുന്നവര്ക്ക് ഒരു പുതിയ ലോകം തുറന്നുകൊടുക്കാനും അതിലൂടെ സാധിക്കും.
ശാന്തമായും സമാധാനപരമായും വാര്ദ്ധക്യകാലം ചെലവിടാന് ഇക്കൂട്ടര്ക്ക് കഴിയുമെന്ന് പ്രത്യാശയിലാണ് ഇതിന്റെ ഭാരവാഹികള്.
