മാവേലിക്കര: ചെറുകോല് ശ്രീ ശുഭാനന്ദാശ്രമാധിപതിയും ആത്മബോധോദയ സംഘം ശ്രീ ശുഭാനന്ദാ ട്രസ്റ്റിന്റെ രണ്ടാമത് മാനേജിങ് ട്രസ്റ്റിയുമായിരുന്ന ഗുരുപ്രസാദ് ഗുരുദേവന്റെ 108-ാമത് പൂരാടം ജന്മനക്ഷത്ര മഹോത്സവം ചെറുകോല് ശ്രീ ശുഭാനന്ദാശ്രമത്തില് ഭക്തിനിര്ഭരമായ ചടങ്ങുകളോടെ ആഘോഷിച്ചു.
രാവിലെ 10ന് ആശ്രമ സന്നിധിയില് നിന്ന് ആരംഭിച്ച ജന്മനക്ഷത്ര ഘോഷയാത്രയുടെ സമാപനത്തില് ആശ്രമാധിപതി സദാനന്ദസിദ്ധ ഗുരുദേവന് അനുഗ്രഹ പ്രഭാഷണം നടത്തി. ഉച്ചക്ക് ജന്മനക്ഷത്ര സമ്മേളനം ഓള് ഇന്ത്യ മുസ്ലിം പേഴ്സണല് ലോ ബോര്ഡ് വര്ക്കിംഗ് മെമ്പര് അല്ഹാസിഫ് അബ്ദുള് ഷുക്കൂര് മൗലവി അല്ഖാസിമി ഉദ്ഘാടനം ചെയ്തു. ആശ്രമാധിപതി സദാനന്ദസിദ്ധ ഗുരുദേവന് അനുഗ്രഹ പ്രഭാഷണം നടത്തി.
പ്രബുദ്ധ കേരളം മാസിക ചീഫ് എഡിറ്റര് സ്വാമി നന്ദാത്മജാനന്ദ, പ്രൊഫ. ടോണിമാത്യു എന്നിവര് മുഖ്യപ്രഭാഷണം നടത്തി. ചെന്നിത്തല പഞ്ചായത്ത് പ്രസിഡന്റ് ഷീജ അനില്, അഡ്വ. സി.എന്. അമ്മാഞ്ചി, സ്വാമി വിവേകാനന്ദന്, സ്വാമി ശുഭാനന്ദദാസ്, വള്ളികുന്നം രാമചന്ദ്രന്പിള്ള, സ്വാമി ഗീതാനന്ദന്, അഡ്വ. പി.കെ. വിജയപ്രസാദ് എന്നിവര് പ്രസംഗിച്ചു. രാത്രി സേവയും സംഗീതസദസും നടന്നു.
