തോട്ടപ്പള്ളി: കഞ്ചാവുമായി തോട്ടപ്പള്ളിയില് പിടിയിലായ ഡിവൈഎഫ്ഐക്കാരെ അമ്പലപ്പുഴ പോലീസ് നിസാര കുറ്റം ചുമത്തി വിട്ടയച്ചു. തോട്ടപ്പള്ളി ശ്മശാനത്തിന് സമീപത്ത് നിന്ന് കഞ്ചാവുമായി കഴിഞ്ഞദിവസം പിടിയിലായവരെയാണ് അമ്പലപ്പുഴ പോലീസ് നിസാര കേസ് ചുമത്തി രക്ഷപെടാന് അനുവദിച്ചത്.
നിരവധി ക്രിമിനല് കേസുകളില് പ്രതികളായ പുതുവല് ശാന്തിലാല് (19), വേലിയകത്ത് വീട്ടില് വിഷ്ണു (20) എന്നിവരെയാണ് സിപിഎം നേതാക്കളുടെ നിര്ദേശത്തെ തുടര്ന്ന് പോലീസ് നിസാര കേസ് ചുമത്തി വിട്ടയച്ചത്. ഇവരുടെ പക്കല് കഞ്ചാവ് ബീഡി മാത്രമാണ് ഉണ്ടായിരുന്നതെന്നാണ് അമ്പലപ്പുഴ പോലീസ് പറയുന്നത്.
വര്ഷങ്ങളായി തോട്ടപ്പള്ളി കേന്ദ്രീകരിച്ച് വ്യാജ വാറ്റ്, മയക്കുമരുന്ന് വില്പന, വിദേശമദ്യവില്പന എന്നിവ നടന്നിട്ടും ബന്ധപ്പെട്ടവര് നടപടിയെടുത്തിരുന്നില്ല. ഇത്തരം സാഹചര്യം നിലനില്ക്കെയാണ് പിടിയിലായ പ്രതികളെ രക്ഷിക്കാന് പോലീസ് സാഹചര്യം ഒരുക്കിയത്. തോട്ടപ്പള്ളി ഹാര്ബര് കേന്ദ്രീകരിച്ച് മത്സ്യത്തൊഴിലാളികളെയും മറ്റും ലക്ഷ്യമാക്കി കഞ്ചാവ്, മയക്കുമരുന്ന് മാഫിയകളുടെ പ്രവര്ത്തനം സജീവമായിരിക്കുകയാണ്.
