ആലപ്പുഴ: തെങ്ങില് നിന്ന് വീണ് കഴിഞ്ഞ എട്ടു വര്ഷത്തിലേറെയായി കിടപ്പിലായ യുവാവ് ചികിത്സാ സഹായത്തിനായി കാരുണ്യമതികളുടെ കനിവു തേടുന്നു. കലവൂര് കോര്ത്തുശേരി ചാണിയില് ഷാജി (47)യാണ് ഹതഭാഗ്യവാന്. നട്ടെല്ല് തകര്ന്ന് കഴിഞ്ഞ എട്ടു വര്ഷത്തിലേറെയായി കിടപ്പുരോഗിയാണ് ഷാജി. ഇതോടെ പാവപ്പെട്ട ഈ കുടുംബത്തിന്റെ ഏകവരുമാന മാര്ഗവും അടഞ്ഞു. നിലവിലുണ്ടായിരുന്ന വീടും സ്ഥലവും വിറ്റാണ് ആദ്യം ചികിത്സ നടത്തിയത്. സാമ്പത്തിക പ്രതിസന്ധി മൂലം മക്കളായ പ്ലസ് വണ് വിദ്യാര്ത്ഥിയായ ഷിജിമോന്റെയും ഒമ്പതാം ക്ലാസ് വിദ്യാര്ത്ഥിനി മഞ്ജുഷയുടെയും പഠനവും പ്രതിസന്ധിയിലായി.
ഷാജിയെ പരിചരിക്കേണ്ടതിനാല് ഭാര്യ മഹിളാമണിക്ക് ജോലിക്ക് പോകാന് കഴിയുന്നില്ല. തുടര് ചികിത്സ നടത്തിയാല് ഷാജിക്ക് എഴുന്നേറ്റ് നടക്കുവാന് കഴിയുമെന്ന് വൈക്കത്തെ സ്വകാര്യ ആശുപത്രിയിലെ ഡോക്ടര്മാര് പറയുന്നു. പത്ത് ലക്ഷത്തോളം രൂപയെങ്കിലും ചികിത്സാ ചെലവിന് വേണ്ടിവരും. മാരാരിക്കുളം തെക്ക് ഗ്രാമപഞ്ചായത്ത് 23-ാം വാര്ഡ് മെമ്പര് ജാക്സണ് ചെയര്മാനും അഭിലാഷ് ബേര്ളി ജനറല് കണ്വീനറുമായി ചികിത്സാ സഹായ സമിതി രൂപീകരിച്ചു. യൂണിയന് ബാങ്കില് 570802010009510 എന്ന നമ്പറില് അക്കൗണ്ട് തുടങ്ങി. ഐഎഫ്എസ്സി കോഡ്- യുബിഐ നമ്പര് 557081. ഫോണ്: 9633223267. സുമനസുകള് കനിഞ്ഞാല് ഷാജിക്ക് ഇനിയും ജോലി ചെയ്ത് കുടുംബത്തെ പുലര്ത്താന് കഴിയും.
