ആധുനിക യുഗത്തില് ഭൗതികശാസ്ത്രജ്ഞര് കാര്ഷികോത്പന്നങ്ങളുടെ ഉത്പാദനം വര്ധിപ്പിക്കാന് സഹായിച്ചു എന്നു പലരും അവകാശപ്പെടാറുണ്ട്. എന്നാല് നിരീശ്വരവാദികളുടെകാഴ്ചപ്പാടുകളാണ് ഇന്ന് ലോകത്തെ ഭക്ഷ്യപ്രതിസന്ധിക്കു കാരണമെന്ന് നാം നിര്ഭയം പ്രഖ്യാപിക്കുന്നു.
നാം കരുതലോടെ ഇരുന്നില്ലെങ്കില് പഴങ്ങള് കായും തോലുമായി മാറുന്ന കാലം വിദൂരമല്ല. അതുപോലെ പശുക്കളുടെ അകിടു വറ്റിപ്പോകുന്നതും നെല്പ്പാടങ്ങളില് പുല്ലു വളരുന്നതുമായ കാലം ആസന്നമായിക്കൊണ്ടിരിക്കുകയാണ്. ഇതൊക്കെ കലിയുഗത്തില് വന്നുകൂടുമെന്ന് ധര്മശാസ്ത്രങ്ങള് പ്രവചിച്ചിട്ടുണ്ട്.
സത്യത്തില് നമ്മെ സദാ രക്ഷിക്കുന്നത് ഭഗവാനാണ്. കാരാഗൃഹത്തില് കിടക്കുന്നവരെ ശിക്ഷിക്കുന്നത് ഭരണകൂടമാണ്. എന്നിട്ടും അതേ ഗവണ്മെന്റുതന്നെ അവരെ തീറ്റിപ്പോറ്റുന്നു. അതുപോലെ, പാപികളായ നിരീശ്വരവാദികളെ ശിക്ഷിക്കുന്നത് ഭഗവാന്റെ മായ (ദുര്ഗാദേവിയുടെ രൂപം ധരിച്ച മായ) ശക്തിയാണെങ്കിലും അവരെ തീറ്റിപ്പോറ്റുന്നതും ഭഗവാന് തന്നെ. കൊടും പാപികളേയും ദുര്വൃത്തന്മാരേയും നിസ്സഹായരേയും പോലും തീറ്റിപ്പോറ്റുന്നത് ഭഗവാനാണെങ്കില്, അദ്ദേഹത്തിന്റെ പാദകമലങ്ങളില് എക്കാലവും അഭയം പ്രാപിച്ചിരിക്കുന്നവരുടെ കാര്യം എന്തുപറയാന്.
