കൊച്ചി: അടിക്കടി ഉണ്ടാകുന്ന റെയില്വെ അപകടം നിയന്ത്രിക്കാന് റെയില്വേ സുരക്ഷ സംവിധാനം ശക്തമാക്കണമെന്നു കേരള കോണ്ഗ്രസ് നാഷണലിസ്റ്റ് ജില്ലാ പ്രവര്ത്തകയോഗം ആവശ്യപ്പെട്ടു.
ഡീസല് വിലയില് കഴിഞ്ഞ വര്ഷത്തേക്കാള് 28 ശതമാനം കുറവ് വന്നിട്ടും ബസ് നിരക്കു കുറക്കേണ്ട എന്ന ജസ്റ്റിസ് രാമചന്ദ്രന് കമ്മീഷന് റിപ്പോര്ട്ട് പൂര്ണ്ണമായും തള്ളിക്കളയണമെന്നും യോഗം തുടര്ന്നു ആവശ്യപ്പെട്ടു.
സംസ്ഥാനത്ത് ഫെയര്സ്റ്റേജിലെ അപാകതകള് പരിഹരിക്കാം എന്ന ഗതാഗതവകുപ്പ് മന്ത്രി കഴിഞ്ഞ മെയ് മാസത്തില് ബസ് നിരക്കു വര്ദ്ധിപ്പിച്ചപ്പോള് നല്കിയ ഉറപ്പ് പാലിക്കാത്തതിന് യോഗം പ്രതിഷേധം രേഖപ്പെടുത്തി. മിനിമം ബസ് നിരക്ക് 5 രൂപായാക്കണമെന്നും. മിനിമം നിരക്ക് നല്കുമ്പോള് മിനിമം ദൂരംയാത്രചെയ്യാനുള്ള യാത്രക്കാരന്റെ അവകാശം സംരക്ഷിക്കപ്പെടണമെന്നും യോഗം തുടര്ന്ന് ആവശ്യപ്പെട്ടു.
കേരള കോണ്ഗ്രസ് നാഷണലിസ്റ്റ് ജില്ലാ പ്രസിഡന്റ് എ.എ.വി.കെന്നഡിയുടെ അദ്ധ്യക്ഷതയില് ചേര്ന്ന യോഗത്തില് സംസ്ഥാന വര്ക്കിംഗ് ചെയര്മാന് പി.ടി.ഏബ്രഹാം സംസ്ഥാന സെക്രട്ടറി ജനറല് കുരുവിള മാത്യൂസ്, ജനറല് സെക്രട്ടറി എം.എന്.ഗിരി, ഭാരവാഹികളായ സുധീഷ് നായര്, പി.എന്.ഗോപിനാഥന് നായര്, പി.എസ്.ചന്ദ്രശേഖരന് നായര്, പൗളില്കൊറ്റമം, ആന്റണി അറയ്ക്കല്, ശരത് മോഹന് കെ.എ.പുഷ്ക്കരന്, പി.എ.അനീഷ്, സോനിയ ഷെരീഫ്, അഡ്വ.ഐസക്ക് നൈനാന്, ചോണ്ടി, അനില് പള്ളന്, പി.എ.റഹിം, സേതു ലക്ഷ്മി എന്നിവര് പ്രസംഗിച്ചു.
