പുതുക്കാട്: വാജ്പേയ് സര്ക്കാര് ആവിഷ്കരിച്ച സ്ത്രീശാക്തീകരണം പദ്ധതി പിന്നീട് സംസ്ഥാന സര്ക്കാര് കുടുംബശ്രീയാക്കി മാറ്റുകയായിരുന്നുവെന്ന് മുന് കേന്ദ്രമന്ത്രി ഒ.രാജഗോപാല് പറഞ്ഞു. അക്ഷയശ്രീ സുസ്ഥിരവികസന മിഷന്റെ നേതൃത്വത്തില് നന്തിപുലത്ത് ആരംഭിച്ച ഗ്രാമീണ് സമൃദ്ധി സ്റ്റോറുകളുടെ ഉദ്ഘാടനം നിര്വഹിച്ച് സംസാരിക്കുകയായിരുന്നു രാജഗോപാല്.
കുടുംബത്തിന്റേയും സമൂഹത്തിന്റേയും പുരോഗതിയിലേക്കുള്ള മാര്ഗ്ഗം സഹകരണവും കൂട്ടായ്മയുമാണെന്ന് രാജഗോപാല് പറഞ്ഞു. സഹകാര് ഭാരതി ജില്ലാപ്രസിഡണ്ട് കെ.ആര്.ദിവാകരന് അദ്ധ്യക്ഷത വഹിച്ചു. വരന്തരപ്പിള്ളി പഞ്ചായത്ത് പ്രസിഡണ്ട് ഇ.എ.ഓമന, അഡ്വ. കെ.കരുണാകരന്, പി.കെ.മധുസൂധനന്, എന്.സദാനന്ദന്, ബിന്ദു പ്രിയന്, ബിന്ദു സതീര്ത്ഥ്യന്, ജയശ്രീ കൊച്ചുഗോവിന്ദന് എന്നിവര് സംസാരിച്ചു.
ചെറുതുരുത്തി: പഴയന്നൂരില് സഹകാര് ഭാരതി ഗ്രാമീണ സമൃദ്ധിതലപ്പിള്ളി താലൂക്ക് തല ഉദ്ഘാടനം ബിജെപി സംസ്ഥാന വൈസ് പ്രസിഡണ്ട് എം.ടി.രമേശ് നിര്വഹിച്ചു. പഴയന്നൂര് ജ്യോതിര്മയി ഓഡിറ്റോറിയത്തില് നടന്ന ചടങ്ങില് സഹകാര് ഭാരതി അഖിലേന്ത്യ സെക്രട്ടറി അഡ്വ. കെ.കരുണാകരന് മുഖ്യപ്രഭാഷണം നടത്തി. സംസ്ഥാന പ്രസിഡണ്ട് എം.സദാനന്ദന്, സഹകരണസംഘം ജില്ലാഓഫീസ് ഉദ്ഘാടനം ചെയ്തു. സംസ്ഥാന സെക്രട്ടറി എം.മോഹനചന്ദ്രന് ആദ്യവില്പന നടത്തി. ആര്എസ്എസ് പഴയന്നൂര് താലൂക്ക് സംഘചാലക് ഒ.പി.മുകുന്ദന്, സംസ്ഥാന സംഘടനാ സെക്രട്ടറി കെ.ആര്.കണ്ണന്, ചേലക്കര മണ്ഡലം ജനറല് സെക്രട്ടറി എ.എസ്.ശശി, എം.മോഹനചന്ദ്രന്, പി.സത്യന്, മധുസൂധനന്, കെ.യു.ഷാജി, ദിവാകരന്, പ്രഭാകരന് മാഞ്ചാടി എന്നിവര് സംസാരിച്ചു.
