കൊച്ചി: വിവേകാനന്ദജയന്തിദിനമായ ജനുവരി 12 ന് കന്യാകുമാരിയില്നിന്ന് ശ്രീ എംന്റെ ഭാരത പദയാത്ര 9 ന് ജില്ലയിലെത്തും. ഒമ്പതിന് രാവിലെ വൈക്കത്തുനിന്നാരംഭിക്കുന്ന യാത്ര രാവിലെ 8.30 ന് പൂത്തോട്ട എസ്എന് ഓഡിറ്റോറിയത്തില് സ്വീകരണം ഏറ്റുവാങ്ങിയശേഷം കുരീക്കാട് അഗസ്ത്യാശ്രമത്തില് എത്തും. വൈകിട്ട് 6.30 ന് അവിടെ അദ്ദേഹം പ്രഭാഷണം നടത്തും.
10 ന് രാവിലെ 6 ന് അവിടെനിന്ന് പുറപ്പെട്ട് തൃപ്പൂണിത്തുറ കളിക്കോട്ട പാലസിലെത്തിച്ചേരുന്ന എം പൗരാവലിയുടെ സ്വീകരണം ഏറ്റുവാങ്ങും. 9.30 ന് വൈറ്റില ജംഗ്ഷനിലൂടെ എറണാകുളം ടിഡി റോഡിലെ ലക്ഷ്മീബായ് ടവറില് 10.30 ന് എത്തിച്ചേരും. തുടര്ന്ന് ശ്രീലക്ഷ്മിബായ് ധര്മ്മപ്രകാശന് കാര്യാലയം ഉദ്ഘാടനം ചെയ്യും.
ഉച്ചതിരിഞ്ഞ് 3.30 ന് കലൂര് ആസാദ് റോഡിലെ റിന്യൂവല് സെന്ററില് മതസൗഹൃദസമ്മേളനം നടത്തുകയും തുടര്ന്ന് കലൂര് പാവക്കുളം ക്ഷേത്രത്തിലെത്തിച്ചേരുകയും ചെയ്യും. അവിടെ 5.30 ന് പ്രഭാഷണവും സത്സംഗവും ഉണ്ടാകും. 11 ന് രാവിലെ 6 മണിക്ക് കലൂരില്നിന്ന് പദയാത്ര തുടങ്ങി കളമശ്ശേരി എസ്സിഎംഎസ് കോളേജിലെത്തി സ്വീകരണം ഏറ്റുവാങ്ങിയശേഷം 11.30ന് ആലുവ വെളിയത്തുനാട് തന്ത്രവിദ്യാപീഠത്തിലെത്തുകയും വൈകിട്ട് 6.30 ന് നടക്കുന്ന സത്സംഗത്തില് പ്രഭാഷണം നടത്തുകയും ചെയ്യും.
12 ന് രാവിലെ 6 ന് വെളിയത്തുനാട് തന്ത്രവിദ്യാപീഠത്തില്നിന്ന് പുറപ്പെടുന്ന യാത്ര മനയ്ക്കപ്പടി എസ്എന് ഓഡിറ്റോറിയത്തില് എത്തും. 10.45 ന് സര്വ്വ മതസാഹോദര്യം ഉദ്ഘോഷിക്കുന്ന ചേന്ദമംഗലത്തെ കോട്ടയം കോവിലകത്ത് എത്തും. തുടര്ന്ന് അവിടത്തെ ജൂതപ്പള്ളി, മുസ്ലിംപള്ളി, ക്രിസ്ത്യന്ദേവാലയം, ക്ഷേത്രങ്ങള് എന്നിവ സന്ദര്ശിച്ചശേഷം കോട്ടപ്പുറം വഴി കൊടുങ്ങല്ലൂര് വിവേകാനന്ദ കേന്ദ്രത്തില് 5.30 ന് എത്തിച്ചേരും
