ജനുവരി 22 മുതല്‍ ഫെബ്രുവരി 16 വരെ ഭാഗിക തീവണ്ടി നിയന്ത്രണം

ആലപ്പുഴ: അമ്പലപ്പുഴക്കും ആലപ്പുഴക്കും ഇടയില്‍ റയില്‍ പാതയില്‍ മരാമത്ത് പണികള്‍ നടക്കുന്നതിനാല്‍ ജനുവരി 22 മുതല്‍ ഫെബ്രുവരി 16 വരെ ഭാഗികമായി തീവണ്ടി ഗതാഗതം തടസപ്പെടും. രാവിലെ 06.30ന് പുറപ്പെടുന്ന ആലപ്പുഴ-കായംകുളം പാസഞ്ചര്‍, 08.50ന് പുറപ്പെടുന്ന കൊല്ലം- ഏറണാകുളം മെമു, 12.20ന് പുറപ്പെടുന്ന എറണാകുളം-കൊല്ലം മെമു എന്നിവ റദ്ദു ചെയ്തു. ഉച്ചയ്‌ക്ക് 2.35നു പുറപ്പെടുന്ന എറണാകുളം-കൊല്ലം മെമു (കോട്ടയം വഴി) ശനിയാഴ്ചകളില്‍ റദ്ദു ചെയ്തു. 08.35ന് പുറപ്പെടുന്ന കായംകുളം-എറണാകുളം പാസഞ്ചര്‍, 10.00ന് പുറപ്പെടുന്ന എറണാകുളം-കായംകുളം പാസഞ്ചര്‍. 13.00ന് പുറപ്പെടുന്ന കായംകുളം-എറണാകുളം പാസഞ്ചര്‍ എന്നിവ കായംകുളത്തിനും ആലപ്പുഴക്കും ഇടയെ ഭാഗികമായി റദ്ദു ചെയ്തിരിക്കുന്നു. ഈ ദിവസങ്ങളില്‍ ആലപ്പുഴ വഴിയോടുന്ന കൊച്ചുവേളി അമൃതസര്‍ എക്‌സ്പ്രസ്, ചാണ്ഡിഗഡ് എക്‌സ്പ്രസ് എന്നിവ 15 മിനിട്ടോളം അമ്പലപ്പുഴയില്‍ പിടിച്ചിടും.