മട്ടാഞ്ചേരി: രണ്ടാഴ്ചയായി നിലച്ചിരുന്ന ഫോര്ട്ടുകൊച്ചി വൈപ്പിന് ജങ്കാര് സര്വീസ് സജീവമായി. ഫോര്ട്ടുകൊച്ചി-വൈപ്പിന് റൂട്ടില് രണ്ട് ജങ്കാറുകള് ഉടന് സര്വീസ് നടത്തണമെന്ന ഫോര്ട്ടുകൊച്ചി സബ് കളക്ടര് എസ്. സുഹാസിന്റെ നിര്ദ്ദേശത്തെ തുടര്ന്നാണിത്. കഴിഞ്ഞ രണ്ടാഴ്ചയായി അറ്റകുറ്റപ്പണിയുടെ പേരില് ഒരു ജങ്കാര് മാത്രമാണ് ഫോര്ട്ടുകൊച്ചി-വൈപ്പിന് റൂട്ടില് സര്വീസ് നടത്തിയിരുന്നത്. ഇതിനെത്തുടര്ന്ന് രൂക്ഷമായ ഗതാഗതക്കുരുക്കും സമയനഷ്ടവുമാണ് യാത്രക്കാര് നേരിട്ടത്. ജനസേവന പ്രവര്ത്തനത്തില് കരാര് ലംഘനം നടത്തിയ കൊച്ചിന് സര്വീസ് ഉടമകളോടാണ് സബ്കളക്ടര് കര്ശന നിര്ദ്ദേശം നല്കിയത്. ഫോര്ട്ടുകൊച്ചി ജങ്കാര് ജെട്ടിയിലെത്തിയ സബ്കളക്ടര് അറ്റകുറ്റപ്പണി നടക്കുന്ന ജങ്കാറും സേവനം നടത്തുന്ന ജങ്കാറിന്റെയും പ്രവര്ത്തനം വിലയിരുത്തിയിരുന്നു.
വൈപ്പിന്-ഫോര്ട്ടുകൊച്ചി ജങ്കാര് സര്വീസ് സജീവമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.