കോട്ടയം: അന്തരിച്ച മുന് രാഷ്ട്രപതി ഡോ. കെ.ആര്. നാരായണന്റെ ഉഴവൂരിലെ സ്മൃതി മന്ദിരം ആരാലും ശ്രദ്ധിക്കപ്പെടാതെ അവഗണിക്കപ്പെട്ടു കിടക്കുകയാണ്. ഇന്ത്യയ്ക്ക് മുഴുവന് അഭിമാനപാത്രമായ മുന് രാഷ്ട്രപതിയുടെ ചിതാഭസ്മം സൂക്ഷിച്ചിട്ടുള്ള കുടീരത്തിലേക്കുള്ള പ്രവേശനം പോലും തടസ്സപ്പെട്ടിരിക്കുകയാണെന്ന് ബിജെപി ജില്ലാ പ്രസിഡന്റ് ഏറ്റുമാനൂര് രാധാകൃഷ്ണന് പറഞ്ഞു. കേരളത്തിന്റെ മുഖ്യമന്ത്രി അടക്കം പ്രമുഖര് പങ്കെടുത്ത് പലപ്രഖ്യാപനങ്ങളും നടത്തിയിട്ട് വര്ഷങ്ങള് കഴിഞ്ഞു. ഇതുവരെ ഒരു വാഗ്ദാനവും പാലിക്കപ്പെട്ടിട്ടില്ലാ എന്നു മാത്രമല്ല ഇന്ന് സ്മൃതിമന്ദിരത്തിലേക്കുള്ള പ്രവേശനംപോലും നിരോധിക്കപ്പെട്ടിരിയ്ക്കുന്ന അവസ്ഥ ദുഃഖകരമാണ്. കേരളത്തിന്റെ പ്രശസ്തി ഇന്ത്യക്കും ഇന്ത്യയ്ക്കു പുറത്തും എത്തിച്ച മലയാളികളുടെ അഭിമാനമായ അന്തരിച്ച ഇന്ത്യന് പ്രസിഡന്റ് ഡോ. കെ.ആര്. നാരായണനു യോജിക്കുന്ന വിധത്തില് ഒരു സ്മൃതി മന്ദിരം ഉണ്ടാകുവാന് മുഖ്യമന്ത്രിയും എംഎല്എയും അടക്കമുള്ള അധികൃതര് തയ്യാറാകണമെന്ന് ഏറ്റുമാനൂര് രാധാകൃഷ്ണന് പറഞ്ഞു.
കെ.ആര്. നാരായണന്റെ സ്മൃതി മന്ദിരം സംരക്ഷിക്കണം: ഏറ്റുമാനൂര് രാധാകൃഷ്ണന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.