ആലപ്പുഴ: കലവൂര് സ്നേഹഭവനിലേക്കുള്ള വഴി പൂര്വസ്ഥിതിയിലാക്കാന് മണ്ണഞ്ചേരി ഗ്രാമപഞ്ചായത്തിന് സംസ്ഥാന മനുഷ്യാവകാശ കമ്മീഷന് അംഗം ആര്. നടരാജന് നിര്ദ്ദേശം നല്കി. എംപി ഫണ്ടില് നിന്നോ എംഎല്എ ഫണ്ടില് നിന്നോ ഇതിനാവശ്യമായ തുക കണ്ടെത്തണമെന്നും കമ്മീഷന് നിര്ദ്ദേശിച്ചു. മാനസികാരോഗ്യം കുറഞ്ഞ സ്ത്രീകളെ സംരക്ഷിക്കുന്ന സ്നേഹഭവന്റെ വഴി പഞ്ചായത്ത് തടസപ്പെടുത്തിയെന്ന പരാതിയിലാണ് നടപടി. വഴിയില്ലാത്തതു കാരണം രോഗികളെ ആശുപത്രിയില് കൊണ്ടുപോകാന് കഴിയുന്നില്ലെന്നും പരാതിയില് പറയുന്നു. കമ്മീഷന് ജില്ലാകളക്ടറില് നിന്നും വിശദീകരണം ആവശ്യപ്പെട്ടിരുന്നു. കൈത്തോട്ടില് ഒഴുക്ക് തടസ്സപ്പെട്ടതു കാരണമാണ് സ്നേഹഭവനിലേക്കുള്ള വഴിയുടെ മുകളിലുണ്ടായിരുന്ന സ്ലാബ് നീക്കം ചെയ്തതെന്ന് വിശദീകരണത്തില് പറയുന്നു. ജീവകാരുണ്യ പ്രവര്ത്തനം നടത്തുന്ന സ്ഥാപനത്തിന്റെ വഴി തടസപ്പെടുത്തരുതെന്ന് കമ്മീഷന് നിര്ദ്ദേശിച്ചു. സ്നേഹഭവന്റെ മതില് പൂര്ണമായും സംരക്ഷിച്ച് കാന നിര്മ്മിക്കണമെന്നും നിര്ദ്ദേശിച്ചതായി കമ്മീഷന് അറിയിച്ചു.
സ്നേഹ ഭവന്റെ വഴി പൂര്വ സ്ഥിതിയിലാക്കണമെന്ന് മനുഷ്യാവകാശ കമ്മീഷന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.