വാഴൂര്: വെട്ടിക്കാട്ട് ശ്രീധര്മ്മശാസ്താക്ഷേത്രത്തിലെ ഉത്സവം ഡിസംബര് 30ന് കൊടികയറി ജനുവരി 6ന് ആറാട്ടോടെ സമാപിക്കും. 30ന് വൈകുന്നേരം അഞ്ചുമണിക്ക് തന്ത്രി പെരിഞ്ഞേരിമന വാസുദേവന് നമ്പൂതിരിപ്പാടിന്റെ മുഖ്യകാര്മ്മികത്വത്തില് കൊടിയേറ്റ്, കലാമണ്ഡലം മുരുകദാസിന്റെ സോപാനസംഗീതം, കളമെഴുത്തുംപാട്ടും, വിദ്യാധിരാജാ പാലിയേറ്റീവ് കെയര് യൂണിറ്റിന് ക്ഷേത്രോപദേശകസമിതിയുടെ സേവാനിധി സമര്പ്പണം, തീര്ത്ഥപാദാശ്രമം മഠാധിപതി പ്രജ്ഞാനാനന്ദ തീര്ത്ഥപാദസ്വാമികളുടെ അനുഗ്രഹപ്രഭാഷണം, ഭക്തിഗാനസുധ, വില്പ്പാട്ട്, രാത്രി 11 മണിമുതല് ആഴിപൂജ എന്നിവയും ഉണ്ടായിരിക്കും.
31ന് രാവിലെ 10മണിക്ക് ഉത്സവബലി, അന്നദാനം, വൈകുന്നേരം 7ന് ചേര്ത്തല ബാലചന്ദ്രന്റെ പ്രഭാഷണം, 9മണി മുതല് നൃത്തനൃത്യങ്ങള് എന്നിവയുമുണ്ട്. ജനുവരി ഒന്നിന് 10.30ന് ഉത്സവബലിയും, അന്നദാനവും തുടര്ന്ന് 5ന് കാഴ്ചശ്രീബലി, രാത്രി 8മണി മുതല് ”ലവണാസുരവധം” കഥകളിയും ഉണ്ടായിരിക്കും. നാലാംഉത്സവദിവസമായ ജനുവരി രണ്ടിന് രാവിലെ ഉത്സവബലിയും തുടര്ന്ന് അന്നദാനവും 5ന് കാഴ്ചശ്രീബലി, വൈകിട്ട് 7.30 മുതല് ശ്രുതിലയം, 9.30 മുതല് നൃത്തനൃത്യങ്ങള് എന്നിവയും ഉണ്ടായിരിക്കും. ജനുവരി 3ന് രാവിലെ 10.30ന് ഉത്സവബലിയും, അന്നദാനവും, വൈകുന്നേരം 5.30ന് കാഴ്ചശ്രീബലി, 7.30ന് തിരുവരങ്ങില് മാതംഗി സത്യമൂര്ത്തിയുടെ സംഗീതസദസ്സും 9.30 മുതല് കൊച്ചിന് ഓര്ക്കസ്ട്രയുടെ ഭക്തിഗാനമേളയും നടക്കും.
ജനുവരി 4ന് രാവിലെ 10 മണിക്ക് ഉത്സവബലിയും അന്നദാനവും വൈകുന്നേരം 5ന് കാഴ്ചശ്രീബലി, 7.30 മുതല് കലാപ്രതിഭ ബാലശങ്കറിന്റെ മുരളീലയം, 9.30 മുതല് തിരുവനന്തപുരം അനശ്വരയുടെ ബാലെയും ഉണ്ടായിരിക്കും. ജനുവരി 7നാണ് പള്ളിവേട്ട. രാവിലെ 8ന് ശ്രീബലി എഴുന്നള്ളിപ്പ്, വൈകുന്നേരം 3 മണിക്ക് കാഴ്ചശ്രീബലി. മേളക്കൊഴുപ്പേകാന് പഞ്ചവാദ്യം കലാമണ്ഡലം പുരുഷോത്തമന്റെ നേതൃത്വത്തിലും, പാണ്ടിമേളം മട്ടന്നൂര് ശിവദാസിന്റെ നേതൃത്വത്തിലും അണിനിരക്കും. 9ന് ഓട്ടന്തുള്ളല്, 10ന് പള്ളിനായാട്ട് പുറപ്പാട്. ജനുവരി 6ന് ആറാട്ട്. രാവിലെ 8.30ന് ആറാട്ടുബലി. ഉച്ചയ്ക്ക് 1ന് ചിറക്കടവ് മഹാദേവക്ഷേത്രച്ചിറയില് ആറാട്ട്. തുടര്ന്ന് ആറാട്ടുസദ്യ. 3.30ന് തിരിച്ചെഴുന്നെള്ളത്ത്. വൈകുന്നേരം 5.30ന് തിരുവരങ്ങില് സംഗീതസദസ്സ്, 7ന് ആറാട്ട് എതിരേല്പ്, മേജര്സെറ്റ് പഞ്ചവാദ്യം. 10.45ന് കൊടിയിറക്ക്, ആറാട്ടുവിളക്ക്, വെടിക്കെട്ട്, 25 കലശം അഭിഷേകം എന്നിവയോടെ ഉത്സവം സമാപിക്കും.
