46. ആലക്തകാലേപിതാംഗീ: ചെമ്പഞ്ഞിച്ചാറു പൂശിയ അവയവങ്ങളുള്ളവള്. ചെമ്പഞ്ഞിച്ചാറണിയാതെ തന്നെ ദേവിയുടെ പാദങ്ങള്ക്കു ചെമപ്പുനിറമുണ്ടെന്ന് 57-ാം നാമത്തില് പറഞ്ഞു. അതു ദേവിയുടെ ശരീരത്തിനും ബാധകമാണ്.
ദേവിക്ക് പല രൂപങ്ങളും വര്ണ്ണങ്ങളുമുണ്ട്. മഹാകാളിയാകുമ്പോള് കറുപ്പ്. ഐശ്വര്യം കൊടുക്കാന് മഹാലക്ഷ്മീരൂപം സ്വീകരിക്കുമ്പോള് സ്വര്ണവര്ണം, മഹാസരസ്വതിയാകുമ്പോള് ശ്വേതവര്ണ്ണം, ഗൗരിയാകുമ്പോള് രക്തവര്ണം എന്നിങ്ങനെ. എല്ലാരൂപത്തിലും ദേവി ഭക്തവത്സലയാണ്. ഭക്തര് അര്പ്പിക്കുന്നതെല്ലാം ദേവി സ്വീകരിക്കും.
പ്രസാധനം ആവശ്യമില്ലെങ്കിലും ഭക്തരര്പ്പിക്കുന്ന ചെമ്പഞ്ഞിച്ചാറ് ദേവി ഉടലാകെ പൂശും. നൈവേദ്യമായി അവരര്പ്പിക്കുന്ന കായും പഴവും വെള്ളവുമെല്ലാം ഭക്തവത്സല സ്വീകരിക്കും. ഭക്തരുടെ സന്തോഷത്തിനായി ചെമ്പഞ്ഞിച്ചാറു പൂശിയവള്.
65. രക്തവര്ണ്ണാംശുകേട്ടജ്ജ്വലാ: രക്തവര്ണമുള്ള വസ്ത്രം ധരിച്ചു ശോഭിക്കുന്നവള്.
കഴിഞ്ഞ അമ്പതിലേറെ നാമങ്ങള് ദേവിയുടെ സമൂലരൂപം വര്ണിക്കാന് ശ്രമിക്കുകയായിരുന്നു. വാചാമതീതമായ ത്രിപുരസുന്ദരീരൂപം വര്ണിക്കുന്നതെങ്ങനെ.
പല ശ്ലോകങ്ങളിലായി അമ്പതിലേറെ നാമങ്ങള്കൊണ്ടവതരിപ്പിച്ച മൂകാംബികാദേവിയുടെ സ്ഥൂലരൂപവര്ണ്ണന ചേര്ത്ത് യോജിപ്പിച്ചെഴുതിയാല് ധ്യാനിക്കാന് എളുപ്പമാകുമെന്നു ജന്മഭൂമിയുടെ വായനക്കാരിലൊരാള് എന്നെ അറിയിച്ചു. ആ അഭിപ്രായം സ്വീകാര്യമാകയാല് സ്ഥൂലരൂപവര്ണ്ണന സംഗ്രഹിക്കുന്നു.
….തുടരും
