തിരുവനന്തപുരം: ദൂരദര്‍ശനില്‍ വീണ്ടും സീരിയലുകളുടെ പൂക്കാലം. ചലച്ചിത്ര സംവിധായകന്‍ റിജു നായര്‍ ഒരുക്കുന്ന ‘തൂവല്‍സ്പര്‍ശം’ 22 മുതല്‍ സംപ്രേഷണം ആരംഭിക്കും. നിത്യസായ് പ്രൊഡക്ഷന്‍സിന്റെ ബാനറില്‍ മീന നാരായണന്‍ നിര്‍മ്മിക്കുന്ന പരമ്പരയുടെ രചന മുരളി നെല്ലനാട് നിര്‍വഹിക്കുന്നു.
ഡോ. ഷാജു, പൂജപ്പുര രാധാകൃഷ്ണന്‍, പ്രദീപ്, ബിനില്‍ഖാദര്‍, കെ. കലാധരന്‍, ഗിരീഷ് കാര്‍ത്തിക്, റോയി, മനോജ്പിള്ള, പ്രഭാശങ്കര്‍, അനില്‍ കൊച്ചിടക്കാട്, എയര്‍പോര്‍ട്ട് മധു, ലീന, ഡോ. ദിവ്യ, ശ്രീക്കുട്ടി, ശ്രീലത നമ്പൂതിരി, ശ്രീകല, ബേബി ദിയ തുടങ്ങി നിരവധി ചലച്ചിത്ര-സീരീയല്‍ അഭിനേതാക്കള്‍ കഥാപാത്രങ്ങളാകുന്നു. ഛായാഗ്രഹണം: അന്‍പ് മണി, പിആര്‍ഒ: അജയ് തുണ്ടത്തില്‍. തിങ്കള്‍ മുതല്‍ വെള്ളി വരെ വൈകുന്നേരം 3.30 നും 8.30 നും ദൂരദര്‍ശന്‍ പരമ്പര സംപ്രേഷണം ചെയ്യും.
