ഹരിപ്പാട്: കുട്ടികള് ബുദ്ധിശക്തിയും കലാബോധവും ഉള്ളവരായി വളര്ന്ന് പ്രധാനമന്ത്രി നരേന്ദ്രമോദിയെ മാതൃകയാക്കണമെന്ന് ചലച്ചിത്ര സംവിധായകന് കെ. മധു. മംഗലം ഗവ. എച്ച്എസ്എസില് നടക്കുന്ന അമ്പലപ്പുഴ ഉപജില്ലാ സ്കൂള് കലോത്സവം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കുട്ടികളുടെ കലാവാസനയെ പ്രോത്സാഹിപ്പിക്കാനുള്ള കേന്ദ്രം കൂടിയാവണം നമ്മുടെ വിദ്യാഭ്യാസ സ്ഥാപനങ്ങളെന്നും അദ്ദേഹം പറഞ്ഞു. ജില്ലാ പഞ്ചായത്ത് പ്രസിഡന്റ് അഡ്വ. യു. പ്രതിഭാഹരി ഉദ്ഘാടനം ചെയ്തു.
ആറാട്ടുപുഴ ഗ്രാമ പഞ്ചായത്ത് പ്രസിഡന്റ് കെ.കരുണാകരന് അദ്ധ്യക്ഷത വഹിച്ചു. സംസ്ഥാന അവാര്ഡ് ജേതാക്കളായ മാങ്കുളം ജി.കെ. നമ്പൂതിരി, എച്ച്. സുബൈര് എന്നിവരെ ജില്ലാ പഞ്ചായത്തംഗം ജോണ് തോമസ് ആദരിച്ചു. ഗ്രാമ പഞ്ചായത്ത് വൈസ് പ്രസിഡന്റ് മിന്നി സില്സ്, ടി. തിലോത്തമ ടീച്ചര്, ഡി.കാശിനാഥന്, ആര്. രാധാകൃഷ്ണ പൈ, കെ.എസ്. ബിമല് റോയി. ഉപജില്ലാ വിദ്യാഭ്യാസ ഓഫീസര് കൃഷ്ണദാസ്, ഹെഡ്മാസ്റ്റര് കെ.വി. മാനുവല് പ്രസംഗിച്ചു.
