ടെസ്റ്റിനു പോകാന് നേരം മോള് ചോദിച്ചു- ”എന്നാണച്ഛാ സര്ദാര് വല്ലഭഭായ് പട്ടേലിന്റെ ജന്മദിന്? ”എനിക്കോര്മയില്ല; നീയാ പിഎസ്സി ഗൈഡെടുത്ത് നോക്ക്…” പണ്ടെന്നോ പഠിച്ചതാണ്. മറന്നു.
സ്ഥിരമായി കേള്ക്കുന്നതുകൊണ്ട് നെഹ്റു കുടുംബത്തിലെ ചില ഗാന്ധിമാരുടെ ജന്മദിനവും ചരമദിനവുമൊക്കെ ഓര്മയുണ്ട്. ഇതിപ്പോള് ജന്മദിനം പോയിട്ട് പട്ടേലിനെത്തന്നെ മറന്നുപോയിരുന്നു. അങ്ങനെയിരിക്കുമ്പോഴാണ്, ഇനിയൊരിക്കലും മറക്കാത്തവിധം 2014 ല് ഭാരത പ്രധാനമന്ത്രി അതോര്മിപ്പിച്ചത് മോദിജീ… നന്ദി!
ആഗ്രഹമില്ലെങ്കിലും കോണ്ഗ്രസ് ആസ്ഥാനത്തെ അനുഷ്ഠാനങ്ങള് മാധ്യമങ്ങളില് കാണേണ്ടിവരാറുണ്ട്. ഏതെങ്കിലുമൊരു നെഹ്റുഗാന്ധിയുടെ പടം വച്ച് പാട്ടും പൂജയും! ഇത്തവണ ഞെട്ടിപ്പോയി. കോണ്ഗ്രസ് ആസ്ഥാനത്തുനിന്നാണെന്ന് തോന്നുന്നു, ”ഞങ്ങളുടെ പട്ടേലിനെ തട്ടിക്കൊണ്ടുപോയേ” എന്ന പരാതിയുമായി ക്യാമറക്കു മുന്നിലേക്കു വന്ന കെപിസിസി പ്രസിഡന്റിന്റെ പിന്നില് ഇന്ദിരാഗാന്ധിയുടെ വലിയ ചിത്രത്തിനടുത്ത്, ചരിത്രത്തിലാദ്യമായി പട്ടേലിന്റെ ഒരു ചെറിയ പടം കൂടി! പ്രസിഡന്റിനെ പട്ടേല് ചരിതം പഠിപ്പിച്ച മോദിജീ… നന്ദി!
കോണ്ഗ്രസിന്റെ കൂടാരമാണ് കേരളം.
മുതിര്ന്ന കോണ്ഗ്രസുകാരനാണ് മുഖ്യമന്ത്രി. പാര്ട്ടിയധ്യക്ഷന്റെ പോസ്റ്റില്പ്പോലും ഗോളടിക്കുന്ന അടവുകളുടെ ആശാന്! ഒക്ടോബര് 30 ന് രാവിലെ അദ്ദേഹം പോസ്റ്റുചെയ്തു-ഇന്ന് സര്ദാര് വല്ലഭഭായ് പട്ടേല് ചരമദിനം…! (ഇതാണ് പട്ടേലിന്റെ പൈതൃകം അവകാശപ്പെടുന്ന കോണ്ഗ്രസുകാരുടെ …….!)ബിജെപിക്കാരന് പ്രധാനമന്ത്രി തേങ്ങയുടയ്ക്കുമ്പോള് കോണ്ഗ്രസുകാരന് മുഖ്യമന്ത്രി ചിരട്ടയെങ്കിലുമുടയ്ക്കേണ്ടേ? പക്ഷേ ചീറ്റിപ്പോയി… വിവരമുള്ള കൊച്ചുങ്ങള് ഫേസ്ബുക്കില് കൈകൊട്ടിച്ചിരിച്ചപ്പോള് ഒതുക്കത്തില് പിന്വലിച്ചുവത്രേ! എന്നാലും അടവുകളുടെ ആശാന് മറക്കാനാവാത്തൊരു പാഠം പഠിച്ചു. വിവരമുള്ളവരെ അനുകരിക്കാനും വേണം ഇത്തിരിവിവരം! മോദിജീ… നന്ദി!
ആറുപതിറ്റാണ്ടായി കാണാതിരുന്നതൊന്ന് 2014 ല് കണ്ടു-കമ്മ്യൂണിസ്റ്റ് താത്വിക സഖാവ് പള്ളിക്കൂടത്തിലെ ക്ലോസറ്റ് കഴുകുന്നു! ജനറല് സെക്രട്ടറി കയ്യുറയിട്ട് കക്കൂസ് കോരുന്നു…പതിവില്ലാത്തതൊന്ന് അതിന് തൊട്ടുമുമ്പ് സംഭവിച്ചിരുന്നല്ലോ. ഒരു പ്രധാനമന്ത്രി സ്വച്ഛ് ഭാരത് പ്രഖ്യാപനത്തോടെ ചൂലുമെടുത്ത് തെരുവിലിറങ്ങി! അത് ഇങ്ങു കേരളത്തിലെ വിപ്ലവവായാടികളുടെ വരെ ഇരിക്കപ്പൊറുതി മുട്ടിച്ചു. മോദിജീ…നന്ദി!
ഇനി കേരളത്തിലെ കുറെ വക്താക്കളുണ്ട്. വായെടുത്താല് ഗുജറാത്തിലെ കക്കൂസുകളുടെ കണക്കല്ലാതെ മറ്റൊന്നും പറയാനില്ലാത്തവര്. മോദിക്കൊപ്പമോടണമെങ്കില് അവരുടെ രാജ്ഞിയും രാജകുമാരനും ഇനിയുമൊരു പത്തുജന്മം കൂടി ജനിച്ചുമരിക്കണമെന്ന് അവരെന്നാണോ മനസ്സിലാക്കുക! നന്ദി മോദിജീ, ഒരായിരം നന്ദി!
പ്രതികരിക്കാൻ ഇവിടെ എഴുതുക: