കൊച്ചി: സംഗീത കൂട്ടായ്മ ഗാനവിഷ്കാറിന്റെ നേതൃത്വത്തില് ശനിയാഴ്ച ശ്രീകുമാരന് തമ്പിയേയും എം.കെ അര്ജുനന് മാസ്റ്ററേയും ഫൈന്ആര്ട്സ് സൊസൈറ്റി ഹാളില് ആദരിക്കുമെന്ന് ഭാരവാഹികള് പത്രസമ്മേളനത്തില് പറഞ്ഞു. ഹൃദയ സരസ്സ് എന്നാണ് പരിപാടിക്ക് നാമകരണം ചെയ്തിരിക്കുന്നത്.
വൈകിട്ട് ആറിന് മാതൃഭൂമി മാനേജിംഗ് ഡയറക്ടര് എം.പി വീരേന്ദ്ര കുമാര് ഉദ്ഘാടനം ചെയ്യും. സംവിധായകന് രാജസേനന്, നടന് അശോകന്, പിന്നണി ഗായകന് ഉണ്ണിമേനോന് എന്നിവര് പങ്കെടുക്കും. ശ്രീകുമാരന് തമ്പി രചിച്ച ഗാനങ്ങളുടെ ആലാപനവും അതിനെ കുറിച്ചുള്ള രചയിതാവിന്റെ വിവരണങ്ങളും ഹൃദയസരസ്സില് നടക്കും. പ്രസിഡന്റ് ജി. ജയപ്രകാശ്, സെക്രട്ടറി കെ. മോഹനന്, അഡ്വര്ടൈസിംഗ് ജനറല് മാനേജര് മനോജ് എന്നിവര് പത്രസമ്മേളനത്തില് പങ്കെടുത്തു.
