ചണ്ഡിഗഢ്: കൊലക്കേസ് പ്രതിയായ രാംപാലിന്റെ 15000 അനുയായികളെ സ്വതന്ത്രരാക്കി. അക്രമങ്ങളിലേര്പ്പെട്ട 492 പേരെ പിടികൂടിയിട്ടുമുണ്ട്.
അക്രമത്തില് ഒന്നര വയസ്സുള്ള ഒരു കുട്ടിയും അഞ്ച് സ്ത്രീകളും കൊല്ലപ്പെട്ടിരുന്നു. 105 പോലീസുദ്യോഗസ്ഥരും 70 മാധ്യമപ്രവര്ത്തകരും ഉള് പ്പെടെ 200 ലധികം പേര്ക്ക് പരിക്കേറ്റിട്ടുണ്ട്.
അറസ്റ്റിലായ രാംപാലിനെ കഴിഞ്ഞ ദിവസം കനത്ത സുരക്ഷയില് ആശുപത്രിയില് പ്രവേശിപ്പിച്ചിരുന്നു. രാംപാലിന്റെ ആരോഗ്യസ്ഥിതി ഭദ്രമെന്ന് മെഡിക്കല് റിപ്പോര്ട്ടുകള് വ്യക്തമാക്കി. രക്തസമ്മര്ദ്ദത്തെത്തുടര്ന്നാണ് രാംപാലിനെ ആശുപത്രിയില് പ്രവേശിപ്പിച്ചത്.
രാംപാലിന്റെ ശരീരത്തില് മുറിവുകളൊന്നുമില്ലെന്നും ആശുപത്രി വൃത്തങ്ങള് അറിയിച്ചു. ആശുപത്രിയില് കനത്ത പോലീസ് വിന്യാസമാണ് ഒരുക്കിയിട്ടുള്ളത്.
