എരുമേലി: ശബരിമല അയ്യപ്പസേവാ സമാജത്തിന്റെ നേതൃത്വത്തില് എരുമേലി അന്നദാന സേവാ കേന്ദ്രത്തിന്റെ ഉദ്ഘാടനം ഇന്ന് ഉച്ചയ്ക്ക് 12ന് നടക്കും. എരുമേലി അയ്യപ്പയോഗം പ്രസിഡന്റ് ബിജി കല്യാണി അദ്ധ്യക്ഷത വഹിക്കും. സേവ സമാജം അഖിലേന്ത്യാ സെക്രട്ടറി സ്വാമി അയ്യപ്പദാസ് ഉദ്ഘാടനം ചെയ്യും. ദേശീയ ഉപാദ്ധ്യക്ഷന് കുമ്മനം രാജശേഖരന് മുഖ്യപ്രഭാഷണം നടത്തും. ദേശീയ ജനറല് സെക്രട്ടറി രാജന് ഈറോഡ് അന്നദാന വിതരണോദ്ഘാടനം നടത്തും. കാഞ്ഞിരപ്പള്ളി ബ്ലോക്ക് പഞ്ചായത്തംഗം ടി.എസ്.കൃഷ്ണകുമാര് ചുക്കുവെള്ള വിതരണം ഉദ്ഘാടനം ചെയ്യും. എരുമേലി ഗ്രാമപഞ്ചായത്ത് പ്രസിഡന്റ് അനിതാ സന്തോഷ് അന്നദാന ത്തിനുള്ള ഉത്പന്നംസ്വീകരിക്കല് ഉദ്ഘാടനം ചെയ്യും.
സേവാസമാജം ദേശീയ സംഘടനാ സെക്രട്ടറി വി.കെ. വിശ്വനാഥന്, വ്യാപാരി വ്യവസായി ഏകോപന സമിതി ജില്ലാ സെക്രട്ടറി മുജീബ് റഹ്മാന്, ആര്എസ്എസ് ജില്ലാ സഹകാര്യവാഹ് കെ.പി. സുരേഷ്കുമാര്, ദേവസ്വം ബോര്ഡ് എ.ഇ. പി.ഡി. ഷാജി, ശബരീശാ സേവാ സമിതി സെക്രട്ടറി വി.സി. അജികുമാര്, ഹിന്ദു ഐക്യവേദി താലൂക്ക് ജനറല് സെക്രട്ടറി കണ്ണന് ചോറ്റി, ബിഎംഎസ് മേഖലാ ജനറല്സെക്രട്ടറി എന്. ആര്. വേലുക്കുട്ടി, എരുമേലി അയ്യപ്പയോഗം സെക്രട്ടറി എസ്. മനോജ്, ഖജാന്ജി എസ്. രാജന് എന്നിവര് സംസാരിക്കും.
