അമ്പലപ്പുഴ: ദേവസ്വം ബോര്ഡ് അധികൃതര് തിരിഞ്ഞുനോക്കിയില്ല. ക്ഷേത്ര പരിസരത്തെ മാലിന്യക്കൂമ്പാരം ഹിന്ദുഐക്യവേദി പ്രവര്ത്തകര് നീക്കം ചെയ്തു. അമ്പലപ്പുഴ ശ്രീകൃഷ്ണസ്വാമി ക്ഷേത്ര പരിസരത്ത് കുന്നുകൂടിയ മാലിന്യക്കൂമ്പാരമാണ് കഴിഞ്ഞദിവസം പകല് മുഴുവന് നീണ്ട കഠിന പ്രയത്നത്തിലൂടെ ഹിന്ദുഐക്യവേദി പ്രവര്ത്തകര് നീക്കം ചെയ്തത്. സമീപത്തെ ചില സ്ഥാപനങ്ങളില് നിന്നുള്പ്പെടെ നിക്ഷേപിച്ച ടണ് കണക്കിന് മാലിന്യങ്ങളാണ് ക്ഷേത്രപരിസരത്ത് കുന്നുകൂടിയത്. ക്ഷേത്രത്തിലെ മാലിന്യക്കൂമ്പാരത്തിനെതിരെ ദേവസ്വം ബോര്ഡിനും ഉപദേശക സമിതിക്കും മാസങ്ങളായി പരാതി നല്കിയിരുന്നു. എന്നാല് ഫലമുണ്ടായില്ല. ഇതേത്തുടര്ന്ന് കരുമാടി, അമ്പലപ്പുഴ ഭാഗങ്ങളില് നിന്നെത്തിയ ഹിന്ദുഐക്യവേദി പ്രവര്ത്തകര് പെട്ടിയോട്ടോകളില് മാലിന്യം നിറച്ച് ഇവിടെ നിന്നും മാറ്റുകയായിരുന്നു. ശുചീകരണങ്ങള്ക്ക് മണിക്കുട്ടന്, ചന്ദ്രബാബു, കണ്ണന്, രാഹുല് തുടങ്ങിയവര് നേതൃത്വം നല്കി.
ക്ഷേത്രപരിസരത്തെ മാലിന്യം ഹിന്ദുഐക്യവേദി പ്രവര്ത്തകര് നീക്കി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.