എല്ലാപേര്ക്കും ഭഗവാനെക്കുറിച്ചറിയാം, പക്ഷേ, വളരെക്കുറച്ചുപേരേ ഈശ്വരന്റെ ഒപ്പം വസിക്കാന് ഇച്ഛിക്കുന്നുള്ളൂ. എല്ലാപേര്ക്കും സത്യമെന്തെന്നറിയാം പക്ഷേ അവസാനംവരെ സത്യത്തെ പിന്തുടരാന് വളരെക്കുറച്ചുപേര് മാത്രമേ ധൈര്യപ്പെടാറുള്ളൂ. പ്രേമത്തിനെക്കുറിച്ച് എല്ലാപേര്ക്കും അറിയാം. പക്ഷേ വളരെകുറച്ചുപേര് മാത്രമേ എന്റെ പ്രേമം അനുഭവിക്കാനായി സര്വസ്വവും ത്യജിക്കാന് തയ്യാറുള്ളൂ. എല്ലാപേര്ക്കും എന്നില് വിശ്വാസമുണ്ട്. പക്ഷേ വളരെക്കുറച്ചുപേര്ക്കുമാത്രമേ എന്റെ സങ്കല്പത്തില് വിശ്വാസമുള്ളൂ. എല്ലാപേര്ക്കും സഹനശക്തിയെക്കുറിച്ച് അറിയാം. പക്ഷേ ജീവിതത്തിലെ പരീക്ഷണങ്ങളെ നേരിടുന്നതില് വളരെ കുറച്ചുപേരെ സഹനശക്തി കാണിക്കാറുള്ളൂ. എന്റെ നയനങ്ങള് ഈ ”വളരെക്കുറച്ചുപേരില്” പതിഞ്ഞിരിക്കുന്നു. എന്റെ പാദങ്ങള് ” ഈ കുറച്ചുപേരെ” പിന്തുടരുന്നു. എന്റെ കരങ്ങള് ഈ ”വളരെ കുറച്ചുപേരെ” സേവിക്കുന്നു. എന്റെ കൃപാവൃഷ്ടി ഈ ”വളരെ കുറച്ചുപേരില്” ചൊരിയപ്പെടുന്നു. എങ്ങിനെയാണോ, അവരുടെ ഹൃദയം എനിക്ക് നല്കിയത് അതേ രീതിയില് ഞാന്, എന്റെ ഹൃദയം അവര്ക്കും അര്പ്പിക്കുന്നു. അതെ, എല്ലാം എന്നില്നിന്നും ഉത്ഭവിക്കുന്നു. പക്ഷേ വളരെക്കുറച്ചുപേര് മാത്രമേ എന്നിലേക്ക് തിരിച്ചുവന്ന് എന്നോടൊപ്പം താമസിക്കുന്നുള്ളൂ.
സഹജശക്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.