കാക്കനാട്: മധ്യപ്രദേശ് പ്ലാനിംഗ് ബോര്ഡ് വൈസ് ചെയര്മാനും മുന് മന്ത്രിയുമായ ബാബുലാല് ജയിനും സംഘവും ഇന്നലെ എറണാകുളം ജില്ലാ പഞ്ചായത്തിലെത്തി ചര്ച്ചനടത്തി.
ജില്ലാ പഞ്ചായത്ത് ആവിഷ്ക്കരിച്ചു നടപ്പാക്കിയിട്ടുള്ള പദ്ധതികളെക്കുറിച്ചും വിജയിച്ച പദ്ധതികളെ ക്കുറിച്ചും ജില്ലാ പഞ്ചായത്ത് പ്രസിഡന്റ് എല്ദോസ് കുന്നപ്പിള്ളിയുമായി അവര് ചര്ച്ച നടത്തി. കേരളത്തിലെ ജനകീയ ആസൂത്രണ പദ്ധതികളെക്കുറിച്ചും അധികാര വികേന്ദ്രികരണത്തെക്കുറിച്ചും കൂടുതലായി മനസിലാക്കാനാണ് എത്തിയത്. വ്യാഴാഴ്ച തിരുനന്തപുരം ജില്ലാ പഞ്ചായത്തിലായിരുന്നു സന്ദര്ശനം. മുന് കേന്ദ്രമന്ത്രി ഒ.രാജഗോപാലിനൊപ്പം ശ്രീപദ്മനാഭസ്വാമി ക്ഷേത്രവും കൊല്ലം വള്ളിക്കാവില് അമൃതാനന്ദമയിദേവിയെയും സന്ദര്ശിച്ച ശേഷമാണ് ഇവര് എറണാകുളത്ത് എത്തിയത്
എറണാകുളം ജില്ലാ പഞ്ചായത്തിന്റെ പ്രവര്ത്തനങ്ങളെക്കുറിച്ച് നേരിട്ട് മനസിലാക്കിയ സംഘം ജില്ലാ പഞ്ചായത്ത് പ്രസിഡന്റ് എല്ദോസ് കുന്നപ്പിള്ളിയെ ഏറെ പ്രശംസിച്ചു. പ്ലാനിംഗ് ബോര്ഡ് ഉപദേശക സമിതി അംഗങ്ങളായ രാജേന്ദ്ര മിശ്ര ഐപിഎസ്, മന്ഗേഷ് ത്യാഗി ഐഫ്എസ,് എഞ്ചിനീയര് സഞ്ജയ് ഗുപ്ത എന്നിവരും ബാബുലാല് ജയിനോടോപ്പം ഉണ്ടായിരുന്നു. ജില്ലാ പഞ്ചായത്ത് പ്രസിഡന്റ് എല്ദോസ് കുന്നപ്പിള്ളി, സെക്രട്ടറി കെ.കെ അബ്ദുല് റഷീദ്, ആരോഗ്യകാര്യ സ്ഥിരംസമിതി ചെയര്മാന് കെ.കെ സോമന്, ജില്ലാ ആസുത്രണ സമിതി അംഗങ്ങള് എന്നിവരും ചര്ച്ചയില് പങ്കെടുത്തു.
