എം.ആര്‍. അനൂപ്‌ രാജ്‌ തിരക്കഥയെഴുതി സംവിധാനം നിര്‍വഹിക്കുന്ന ചിത്രമാണ്‌ ഗെയിമര്‍. മൂന്ന്‌ യുവാക്കളെ കേന്ദ്രീകരിച്ചുള്ളതാണ്‌ ഈ ചിത്രം. തുടക്കം മുതല്‍ അവസാനം വരെ സസ്പെന്‍സ്‌ നിറഞ്ഞ ചിത്രത്തില്‍ വിജയരാഘവന്റെ മകന്‍ ദേവദേവന്‍, ജോണ്‍, ബാസില്‍ തുടങ്ങിയവരാണ്‌ മുഖ്യ കഥാപാത്രങ്ങളെ അവതരിപ്പിക്കുന്നത്‌. തമിഴ്‌ നടി തേജശ്രീയാണ്‌ ഗെയിമറില്‍ നായികയായി എത്തുന്നത്‌. നെടുമുടി വേണുവും സുപ്രധാന കഥാപാത്രത്തെ അവതരിപ്പിക്കുന്നു. ബ്ലാക്‌ പാന്തര്‍ പ്രോഡക്ഷന്‍സിന്റെ ബാനറില്‍ ടോമി, സഞ്ജു എന്നിവര്‍ ചേര്‍ന്നാണ്‌ ഗെയിമര്‍ നിര്‍മിക്കുന്നത്‌. നാരായണ സ്വാമിയാണ്‌ ക്യാമറ കൈകാര്യം ചെയ്യുന്നത്‌.
റഫീഖ്‌ അഹമ്മദിന്റെ വരികള്‍ക്ക്‌ ഈണം പകര്‍ന്നിരിക്കുന്നത്‌ ഷാഹീന്‍ അബ്ബാസ്‌. തലൈവാസല്‍ വിജയ്‌, ജഗദീഷ്‌, ദിനേഷ്‌ പണിക്കര്‍, റിജോ നെല്ലിപിഴ തുടങ്ങിയവരാണ്‌ മറ്റ്‌ അഭിനേതാക്കള്‍.
