കൊച്ചി: നഗരവികസനത്തിന് തടസം നില്ക്കുകയും ലഭിക്കുന്ന ഫണ്ടുകള് ഉപയോഗിക്കാതെ നഷ്ടപ്പെടുത്തുകയും ചെയ്യുന്ന കൊച്ചി മേയര് ടോണി ചമ്മണിയെ പുറത്താക്കണമെന്ന് ബിജെപി സംസ്ഥാന ജനറല് സെക്രട്ടറി എ.എന്. രാധാകൃഷ്ണന് ആവശ്യപ്പെട്ടു. കോര്പ്പറേഷന്റെ ചെലവില് ഇരുപതിലധികം വിദേശയാത്രകള് നടത്തുകയും വിളക്കുകാലില് പരസ്യം വയ്ക്കുന്നതിനും മാലിന്യസംസ്കരണത്തിന് വാങ്ങിയ മുപ്പത്തിയാറ് ഓട്ടോറിക്ഷകള് കാണാതായതിലും ഉള്പ്പെടെ നിരവധി ഇന്റലിജന്സ് കേസുകള് നേരിടുന്ന മേയറാണ് കൊച്ചിക്കുള്ളത്. നഗരവികസനത്തിന് കേന്ദ്രം നല്കിയ 302 കോടി നഷ്ടപ്പെടുത്തിയ മേയര് കൊച്ചി നിവാസികളോട് മാപ്പുപറയണമെന്ന് അദ്ദേഹം ആവശ്യപ്പെട്ടു. വികസനത്തിന് വെമ്പല് കൊള്ളുന്ന കൊച്ചി നിവാസികളെ വഞ്ചിച്ച മേയര് ടോണി ചമ്മണിയെ പുറത്താക്കാന് വേണ്ട നടപടി സ്വീകരിക്കണം.
നഗരവികസനത്തിന് തടസം നില്ക്കുന്ന കൊച്ചി മേയര് രാജിവെക്കണമെന്ന് ആവശ്യപ്പെട്ട് ബിജെപി എറണാകുളം നിയോജകമണ്ഡലം കമ്മറ്റിയുടെ ആഭിമുഖ്യത്തില് കൊച്ചി കോര്പ്പറേഷന് ഓഫീസിലേക്ക് നടത്തിയ മാര്ച്ച് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
എറണാകുളം നിയോജകമണ്ഡലം പ്രസിഡന്റ് കെ.എസ്. സുരേഷ്കുമാര് അധ്യക്ഷതവഹിച്ചു. ജില്ലാ പ്രസിഡന്റ് അഡ്വ. പി.ജെ. തോമസ് മുഖ്യപ്രഭാഷണം നടത്തി. ദേശീയ സമിതിയംഗം നെടുമ്പാശ്ശേരി രവി, ജില്ലാ ജനറല് സെക്രട്ടറി എം.എന്. മധു, ജില്ലാ വൈസ് പ്രസിഡന്റുമാരായ കെ.പി. രാജന്, എന്. സജികുമാര്, സജിനി രവികുമാര്, മേഖലാ സെക്രട്ടറി കെ.എസ്. രാജേഷ്, സംസ്ഥാന കമ്മറ്റിയംഗം അഡ്വ. പി. കൃഷ്ണദാസ്, കോര്പ്പറേഷന് കൗണ്സിലര് സുധാ ദിലീപ്, സി.ജി. രാജഗോപാല്, കര്ഷകമോര്ച്ച ജില്ലാ പ്രസിഡന്റ് പി.ബി. സുജിത്ത്, യുവമോര്ച്ച ജില്ലാ പ്രസിഡന്റ് ശ്രീകാന്ത് ശ്രീധരന്, മഹിളാമോര്ച്ച ജില്ലാ ജനറല് സെക്രട്ടറി സന്ധ്യ ജയപ്രകാശ്, ക്യാപ്റ്റന് സുന്ദരം, നിയോജകമണ്ഡലം ജനറല് സെക്രട്ടറിമാരായ പ്രകാശ് അയ്യര്, പി.ജി. അനില്കുമാര്, ജില്ലാ കമ്മറ്റിയംഗം പി.കെ. രാജന് എന്നിവര് പ്രസംഗിച്ചു.
നിയോജകമണ്ഡലം വൈസ് പ്രസിഡന്റ് കെ.എസ്. ദിലീപ്കുമാര്, സെക്രട്ടറിമാരായ യു.ആര്. രാജേഷ്, പി.എസ്.ഷാജീവന്, അബിജു സുരേഷ്, ഏരിയാ പ്രസിഡന്റുമാരായ വി. ഉപേന്ദ്രനാഥപ്രഭു, എ. പ്രശാന്ത്കുമാര്, കെ. ശിവരാമന്, കെ.എന്. ചന്ദ്രശേഖരന്, എസ്.ആര്. രാജന്, രാമചന്ദ്രന് ശ്രാമ്പിയില്, എ.പി. ശെല്വരാജ്, യുവമോര്ച്ച ജില്ലാ വൈസ് പ്രസിഡന്റ് ജീവന്ലാല് രവി, ന്യൂനപക്ഷമോര്ച്ച ജില്ലാ വൈസ് പ്രസിഡന്റ് സതീഷ് മാര്ട്ടിന്, ട്രഷറര് ജേക്കബ് മനയില്, കര്ഷകമോര്ച്ച മണ്ഡലം പ്രസിഡന്റ് ജയന് തോട്ടുങ്കല്, ജോസഫ് പൊറ്റക്കുഴി, ടി.കെ. തിലകന്, സി.കെ. രമേശന് തുടങ്ങിയവര് നേതൃത്വം നല്കി.
