ന്യൂയോര്‍ക്ക്‌: പേസ്റ്റ്‌, സോപ്പ്‌ എന്നിവയടക്കമുള്ള പല നിത്യോപയോഗ വസ്തുക്കളിലുമുള്ള ചില രാസവസ്തുക്കള്‍ പുരുഷ വന്ധ്യതയ്ക്ക് കാരണമാകുന്നുണ്ടെന്ന്‌ പഠനം.ഇത്തരം രാസവസ്തുക്കള്‍ ബീജത്തിനെയാണ്‌ ബാധിക്കുക. പഠനത്തില്‍ പറയുന്നു.
പ്ലാസ്റ്റിക്‌ കളിക്കോപ്പുകളിലുള്ള ചില രാസവസ്തുക്കളും ആണ്‍കുട്ടികളെ ബാധിക്കുന്നുണ്ട്‌. ശാസ്ത്രജ്ഞര്‍ പറയുന്നു. പേസ്റ്റ്‌, സോപ്പ്‌ എന്നിവ പോലുള്ള പലതരം നിത്യോപയോഗവസ്തുക്കളുണ്ട്‌. ഇവയില്‍ മിക്കവയിലും ഉപയോഗിക്കുന്ന, വിഷമയമല്ലാത്ത, മൂന്നു രാസവസ്തുക്കളില്‍ ഒന്നെങ്കിലും ബീജങ്ങളുടെ ശേഷിയെ ബാധിക്കുന്നവയാണ്‌. ഇതാണ്‌ പുരുഷവന്ധ്യത വളരെക്കൂടാന്‍ കാരണം. നിത്യോപയോഗവസ്തുക്കളിലെ രാസപദാര്‍ഥങ്ങള്‍ പുരുഷ വന്ധ്യതയുണ്ടാക്കുമെന്ന്‌ ഇതാദ്യമായാണ്‌ ഒരു ശാസ്ത്രീയ പഠനത്തില്‍ കണ്ടെത്തുന്നത്‌. ഗ്രന്ഥികളുല്‍പാദിപ്പിക്കുന്ന സ്രവങ്ങളെ തടസപ്പെടുത്തുന്ന രാസവസ്തുക്കള്‍ തിരിച്ചറിയാനുള്ള ഗവേഷണത്തിലാണ്‌ ഇക്കാര്യം കണ്ടെത്തിയത്‌. ഇത്തരം രാസവസ്തുക്കള്‍ ചില സമയത്ത്‌ സ്ത്രീകളിലുള്ള സെക്സ്‌ ഹോര്‍മോണായ ഈസ്ട്രജനെപ്പോലെ പെരുമാറും.ചിലപ്പോള്‍ ഈ രാസപദാര്‍ഥങ്ങള്‍ പുരുഷ ഹോര്‍മോണിനെപ്പോലെ പെരുമാറും, അവ പുരുഷ്ണ്മാരുടെ ബീജോല്‍പാദന വ്യവസ്ഥയെ തടസപ്പെടുത്തും. അലക്കു സോപ്പു പോലുള്ളവയില്‍ കാണുന്ന രാസവസ്തു ബീജങ്ങളുടെ ചലന ശേഷി തന്നെ നേരിട്ട്‌ നശിപ്പിക്കും. രാസപദാര്‍ഥങ്ങള്‍ എല്ലാം ചേര്‍ന്ന്‌ പ്രത്യേക അവസ്ഥയുണ്ടാക്കുമെന്നും പഠനം ചൂണ്ടിക്കാട്ടുന്നു. വീടുകളില്‍ ഉപയോഗിക്കുന്ന 96 തരം രാസവസ്തുക്കളില്‍ മുപ്പതെണ്ണവും ഇത്തരം പ്രശ്നങ്ങള്‍ ഉള്ളവയാണ്‌.ബീജങ്ങളുടെ ചനല ശേഷി, കരുത്ത്‌, അണ്ഡത്തിെ‍ന്‍റ പുറംകൂട്‌ പൊളിച്ച്‌ അകത്തു കയറാനുള്ള കഴിവ്‌ തുടങ്ങിയവയെല്ലാം ഇവ കുറയ്‌ക്കും.പ്രൊഫ. സ്ക്കക്കീബെയ്‌ക്ക്‌ പറഞ്ഞു.
