കോട്ടയം: കോട്ടയം നാഗമ്പടത്ത് പ്രവര്‍ത്തിക്കുന്ന അനധികൃത സുവിശേഷ കേന്ദ്രത്തിന് മന്ദിരം നിര്‍മ്മിക്കുന്നതിനുള്ള അനുമതി നല്‍കുവാനുള്ള ജില്ലാ കളക്ടറുടെ നീക്കത്തിനെതിരെ ഹിന്ദു സംഘടനകളുടെ നേതൃത്വത്തില്‍ പ്രക്ഷോഭം ശക്തമാകുന്നു. നിയമങ്ങള്‍ കാറ്റില്‍ പറത്തി എന്‍ഒസി നല്‍കുന്നതിനുള്ള നീക്കത്തിനെതിരെ വിവിധ സമുദായിക സംഘടനാ നേതാക്കളെ സംഘടിപ്പിച്ച് കളക്ടറേറ്റ് പടിക്കല്‍ ഹിന്ദു ഐക്യവേദി നടത്തിയ ധര്‍ണ്ണയിലാണ് പ്രക്ഷോഭം ശക്തമാക്കുമെന്ന് അറിയിച്ചത്.
പൊതുജന താല്‍പ്പര്യങ്ങള്‍ മറികടന്ന് അനുമതി നല്‍കാനുള്ള നടപടിയുമായി മുന്നോട്ടു പോയാല്‍ നാഗമ്പടത്തെ സ്വര്‍ഗ്ഗീയ വിരുന്ന് കേന്ദ്രത്തിനു മുന്നില്‍ കുടില്‍ കെട്ടി സമരം ചെയ്യുമെന്ന് നേതാക്കള്‍ മുന്നറിയിപ്പ് നല്‍കി. ഉന്നത ഉദ്യോസ്ഥര്‍ക്കും ജനപ്രതിനിധികള്‍ക്കും പണം നല്‍കി സ്വാധീനം ചെലുത്തിയാണ് സുവിശേഷ നടത്തിപ്പുകാരന്‍ നിര്‍മ്മാണ പ്രവര്‍ത്തനത്തിനുള്ള അനുമതി തേടുന്നതെന്ന് ഹിന്ദു ഐക്യവേദി ഭാരവാഹികള്‍ ആരോപിച്ചു. ആറു വര്‍ഷമായി പ്രവര്‍ത്തിക്കുന്ന സുവിശേഷ കേന്ദ്രത്തില്‍ നാടിന്റെ സംസ്‌ക്കാരത്തെ തകര്‍ക്കുന്ന പ്രക്രിയയാണ് നടക്കുന്നതെന്ന് ഹിന്ദു ഐക്യവേദി സംസ്ഥാന വര്‍ക്കിംഗ് പ്രസിന്റ് കെ. എന്‍. രവീന്ദ്രനാഥ് സമാപന പ്രസംഗത്തില്‍ പറഞ്ഞു. പണത്തിന്റെ സ്വാധീനത്തില്‍ സ്വര്‍ഗ്ഗീയ വിരുന്നിന് അനുമതി നല്‍കാനുള്ള നീക്കത്തെ ശക്തമായി തന്നെ എതിര്‍ക്കുമെന്നും ഇതിനു കൂട്ടുനില്‍ക്കുന്ന ഉദ്യോഗസ്ഥരെ നിയമത്തിനു മുന്നില്‍ കൊണ്ടുവരുമെന്നും അദ്ദേഹം പറഞ്ഞു.
അഖില കേരള ചേരമര്‍ ഹിന്ദു മഹാസഭ സംസ്ഥാന വൈസ് പ്രസിഡന്റ് പി. എസ്. പ്രസാദ് ധര്‍ണ്ണ ഉദ്ഘാടനം ചെയ്തു. ഹിന്ദു ഐക്യവേദി ജില്ലാ പ്രസിഡന്റ് തമ്പി പട്ടശ്ശേരില്‍ അധ്യക്ഷത വഹിച്ചു. ആര്‍. എസ്എസ് സഹ പ്രാന്തകാര്യവാഹ് അഡ്വ. എന്‍. ശങ്കര്‍ റാം, ഹിന്ദു ഐക്യവേദി സംസ്ഥാന സെക്രട്ടറി എം. വി. ഉണ്ണികൃഷ്ണന്‍, ഭാരതീയ വേലന്‍ സൊസൈറ്റി മുന്‍ സംസ്ഥാന പ്രസിഡന്റ് പി. ആര്‍. ശിവരാജന്‍, ഓള്‍ ഇന്ത്യ വീരശൈവ മഹാസഭ ജില്ലാ സെക്രട്ടറി അനീഷ് എന്‍. പിള്ള, ബി. ജെ. പി. കോട്ടയം നിയോജക മണ്ഡലം പ്രസിഡന്റ് സി. എന്‍. സുഭാഷ്, പണ്ഡിതര്‍ മഹാജനസഭ സംസ്ഥാന വൈസ് പ്രസിഡന്റ് അംബികാ തമ്പി, കേരള ഹിന്ദു പരവര്‍ ആന്റ് ഭരതര്‍ സര്‍വ്വീസ് സൊസൈറ്റി മഹിളാ സമാജം സംസ്ഥാന ജനറല്‍ സെക്രട്ടറി ശാന്തമ്മ കേശവന്‍, തപസ്യ സംസ്ഥാന സമിതിയംഗം കുമ്മനം രവീന്ദ്രനാഥ്, ഹിന്ദു ഐക്യവേദി കോട്ടയം ജില്ലാ സംഘടനാ സെക്രട്ടറി എ. ടി. തുളസീധരന്‍, ജില്ലാ സെക്രട്ടറി പി. കെ. ചന്ദ്രന്‍, കോട്ടയം താലൂക്ക് ജനറല്‍ സെക്രട്ടറി മധു കാരാപ്പുഴ, തുടങ്ങിയവര്‍ പ്രസംഗിച്ചു. ഹിന്ദു ഐക്യവേദി ജില്ലാ ഭാരവാഹികളായ കെ. ജി. ശ്രീകാന്ത്, ടി. എസ് ശ്രീകുമാര്‍, ആര്‍. ഹരിലാല്‍, ആശാ അജികുമാര്‍, പി. പി. രണരാജന്‍, ആര്‍. എസ്. എസ് ജില്ലാ പ്രചാര്‍ പ്രമുഖ് ആര്‍. സാനു, താലൂക്ക് കാര്യവാഹ് എസ്. ഹരികുമാര്‍, രാംപ്രകാശ്, ടി. ആര്‍. ഗിരീഷ് കുമാര്‍, അജീഷ് അരവിന്ദ്, ജിഗി, ഹിന്ദു ഐക്യവേദി താലൂക്ക് ഭാരവാഹികളായ സി. ആര്‍. ശ്യാം, സി. എന്‍. അനില്‍കുമാര്‍, കെ. കെ. ശശി, കെ. ഹരിദാസ്, പി. പി. വിജയകുമാര്‍, വി. പി. പ്രകാശ്, കെ. സുരേഷ്‌കുമാര്‍, സുമേഷ് വി. എസ്, സുരേഷ് കാരാപ്പുഴ, അനില്‍ കോയിക്കല്‍, പ്രകാശ് കൊല്ലാട്, ലെനിന്‍ തുടങ്ങിയവര്‍ നേതൃത്വം നല്‍കി.
